ورطة زوجة: «حماتي تكره الاستحمام».. كيف أقنعها بأهمية النظافة الشخصية؟

طرحت سيدة زوجة مشكلة عبر منصات التواصل الاجتماعي تواجهها مع والدة زوجها أثناء إقامتها معها في منزلها، حيث كتبت: "حماتي لظروف ما هتقيم معانا إقامة دائمة، بتواجهني مشكلة حساسة أوي وهي النظافة، عذرا يعني هي مش بتستحمي غير كل فين وفين ومش بقدر استحمل أكون بالقرب منها بسبب رائحة العرق، ومش بتبدل ملابسها حتي الملابس الداخلية غير كل ١٠ أيام رغم انها بتصلي الوقت بوقته مش عارفة صحة صلاتها إيه برضو، تناقشت مع زوجي ف الموضوع عشان نشوف ننصحها ازاي من غير ما نجرح شعورها ومعملناش حاجة ومش عاوزة أتكلم معاه تاني عشان ميزعلش، اتصرف ازاي". 

وكانت تعليقات رواد منصات التواصل الاجتماعي تتراوح ما بين النصيحة والهجوم على الزوجة بسبب والدة زوجها لأنها أخبرت زوجها بالمشكلة التي تواجهها مع والدته، وجاءت التعليقات كالآتي:

كتبت نها حسن: "هات طقم جديد وشغلي المياه ودفي الحمام ويلا يا طنط تعالي لا مش لا تقول لا والله ده أنا اللي هليفك والبسك الهدوم الجديده واسمحيلي أنا بنتك واستحمامك مسؤوليتي أنا وبلاش تزعلني أنا كده مع ماما وعاوز أحس كأني مسبتش أهلي وكلي عقلها بالحنيه وربنا يجعله في ميزان حسناتك".

فيما كتبت مريم سعيد: "ممكن تجهزيلها ملابسها وتشجعيها أنها تغيير بحجه أنك هتشغلي الغسالة ولو قالت لا مثلا قوللها لا ازاي البسي وكل يوم غيري إحنا عاوزين الهدوم تدوووب من اللبس ونجيب غيرها البسي واتشيكي وعيشي يا ماما ولو التشطيف تقيل عليها ممكن تجبيلها مسك وكريمات ذات روائح جميلة وقوليلها جربي ده ورطبي ب ده وقبل ماتنامي حطي ده شويه كلمات منك هتلاقيها زي الفل". 

اقرأ أيضا..