نص التحقيقات | إحالة إمام عاشور للمحاكمة في واقعة «المول»

أحالت جهات التحقيق بالجيزة، إمام عاشور لاعب النادي الأهلي إلى المحاكمة، في واقعة التعدي على فرد أمن داخل مول شهير بالشيخ زايد.

وجاءت أقوال إمام عاشور لاعب النادي الأهلي في اعترافاته أمام جهات التحقيق كالتالي:

س: متى تلقيت الاتصال الهاتفي من زوجتك ياسمين حافظ؟
ج: كلمتني حوالي الساعة 4 صباحًا 2024/6/19.

س: ما الذي قصصته عليك حينها؟
ج: قالت لي إن فيه شباب عاكسوها في أركان، وإن معاذ أخوها عايز يعمل مشكلة وعايزاني أكلمه علشان أهديه.

س: هل أخبرتك بمجريات ما حدث من وقائع قبلها؟
ج: لا هي مراتي مقالتليش اللي حصل بالضبط إن حد عاكسها بس معاذ قالي إن فيه واحد كان لابس جلابية مقالوش لونها ايه.

س: وكيف جرى التعرض لزوجتك تحديدًا؟
ج: أنا معرفش هما بس قالوا لي إن فيه حد عاكسها وأنا حضرت علشان أعرف فيه إيه.

س: صف لنا المتعرضين للمجني عليها ياسمين حافظ زوجتك؟
ج: معاذ قالي إنهم مجموعة شباب واحد منهم لابس جلابية.

س: كيف قابلت ما قصته عليك من وقائع؟
ج: أنا كلمت عمر أخوها الكبير وقولتله يبلغ مشرفين الأمن يتحفظوا على الشباب دي وأنا جاي علشان أعمل محضر.

س: ومتي وصلت تحديدًا لمجمع مقاهي أركان بلازا؟
ج: حوالي الساعة 9 صباحًا بتاريخ 2024/6/19.

س: ومن كان برفقتك حينها؟
ج: كان معايا م.ع.

س: وما الذي أتيته حال وصولك؟
ج: أنا قابلت معاذ وأخذت معاذ معايا ومحمود راح لمراتي يطمن عليها ونزلت الجراج اللي معاذ قالي إنهم متحفظين على الشباب فيه.

س: وما الذي أبصرته فور وصولك الأماكن انتظار السيارات؟
ج: لقيت زحمة كثير من الجمهور كانوا ماشيين ورايا ساعة ما دخلت أركان، وكنت بسأل على الشباب إنه المفروض الأمن متحفظ عليهم وملقتهمش فسألت بتوع الأمن.

س: وما الحوار الذي دار بينك وبين مشرفي الأمن حينها؟
ج: كنت بقول هما فين فقالوا لي أهدى أنت بتعلي صوتك ليه، قولتلهم أنتم عايزني أهدى إزاي ومراتي اتعاكست.

س: وما ردة فعل مشرفي الأمن الموجودين بمحل انتظار السيارات؟
ج: كان فيه مشرفين أمن كثير وجمهور كثير وأنا شوفت حوالي 4 بيصوروا كلهم لابسين لبس اليونيفورم بتاع مول أركان، وأنا بلف لقيت حد منهم بيصور قولتله متصورنيش وكان ماشي ورايا بالكاميرا، وحصل تزاحم وعبد الله مشرف الأمن وقع على الأرض لوحده محدش لمسه.