أرسلت سيدة مشكلتها الى أحد مجموعات مواقع التواصل الاجتماعي حيث قالت: أنا اسمى" ه. م" عمرى  37 .

وأضافت فى رسالتها : « أنا شغالة دكتورة في مكان مرموق ، انشغلت في دراستي ورعايتي لوالدي ووالدتي الله يرحمهم.

وتابعت :  وبعد وفاتهم من سنة اتقدم لي ناس بس مش مناسبين ،  المهم اتقدم لي حد مناسب بس مطلق كنت رافضة فكرت المطلق تماما،  بس اخواتي اقنعوني وخاصة علشان سني ، ولم اتكلمت ارتاحت ليه جدا ، وحسيت أنه متوافق معاي فكريا ، وخاصة أنه أكبر مني بسنة وكمان وظيفته مناسبة لوظيفتي ، يعني متوافق في كل حاجة ما عدا حتة أنه المطلق .

 وتابعت : وافقت لان ارتاحت ليه جدا وهو أكد لي مستحيل ارجع لطليقتي تاني بس اولادي ،  قولتله لو حابب اولادك يعيشوا معانا معنديش مشكلة وهو ارتاح لكلامي ، وفعلا مكنتش رافضة حتة الاولاد لأن ملهمش ذنب .

وبعد خطوبتنا كان فيه كلام تاني من أهل طليقته واهله بخصوص ارجاع طليقته ، وهو كان رافض تماما لغاية ما هي اتواصلت معاه وقالتله الاولاد حالتهم النفسية مش حلوة ونفكر علشان الاولاد ، وحصل الرجوع وتم فسخ الخطوبة بينا بحجة انه عايز يدي فرصة أخري  وكان فاضل علي فرحنا شهر.

وواصلت السيدة مشكلتها قائلة: حالتي النفسية بقت سيئة جدا ،لان اتعلقت بيه ورتبت حياتي معاه وكنت فرحانة جدا حسيته العوض بعد والدي ووالدتي ، والصراحة مش مسامحاه ،لأن أنا سالته كذا مرة هل فيه امل ترجعوا قالي مستحيل وده خلاني اوافق طيب لو انت هترجع في قرارك ليه تربط بنات الناس معاك.

وإختتمت قائلة:  حاسة حظي وحش جدا حياتي واقفة جدا، تعبت من الوحدة وخاصة اني كنت متعلقة جدا بوالدي ووالدتي وكنت برفض علشان كانوا فعلا محتاجين رعاية  ،هل فعلا اللي في سني صعب؟ يرتبطوا أنا بتيجي ناس بس مش مناسبة تماما هل لازم أتنازل وارتبط باي حد علشان سني؟ بس انا معرفش ارتبط الا لو مرتاحة للشخص ده تعبت جدا جدا ، هل أنا غلطانة اني اوافق علي مطلق وهل كل المطلقين مش بيوفوا بكلامهم ولازم يرجعوا لزوجاتهم علشان اقفل باب المطلق للابد؟».

ليه توافقي علي مطلق وعنده اولاد عشان سنك ، بالعكس انتي مش كبيرة يعني ،واكيد ربنا عاينلك نصيبك الحلو لو كان خير ليكي كان الموضوع كمل ربنا كريم.

اكيد اللي جاي افضل انت طيبه تستهلي الاحسن منه.

نور الله :
 
طب وليه متحمديش ربنا انو حصل وانتم ف خطوبه وتحمدي ربنا انه لو خير كان فضل، وليه مقولتيش لنفسك انك كنتي باره بابوكي وامك وربنا هيبعتلك اللي يحبك ويكون بينكم ولاد ليكم انتم الاتنين ، مش مطلق وولاد زوجه تانيه لما ربنا بيمنع عنك شي بيكون شر، ولما بيوصلك لشي  بيكون شايفلك فيه الخير، فانتي الخير جايلك بس شويه صبر بسيط ، كمان متزعليش حقك تفرحي الحمدلله ربنا يعوضك خير.