كلام ستات

امرأة في حيرة: «أختى مخطوبة ومريضة قلب خايفة عليها من الجواز».. ماذا أفعل؟

الخميس 18/يوليه/2024 - 12:07 م

أية عدلى

أرسلت سيدة مشكلتها الى أحد جروبات مواقع التواصل الاجتماعي النسائية حيث قالت: أنا اسمى" أ. ص" عمرى 50سنة".

وأضافت فى رسالتها : « مشكلتى مش لاقىة ليها حل عايزاكم تشاركونى الرأي، أختى مخطوبه من سنتين وفرحها الشهر الجاي وهي مريضه قلب وخطيبها عارف كل حاجه يمكن يعرف عنها حجات أكتر منى دلوقتى.

وتابعت : هي كشفت عند الدكتور قالها انتى كده بتخاطرى بحياتك مينفعش تتجوزى دلوقتي ، لانك لازم تعملي عمليه مع إنها خلال فترة الخطوبه عملت عمليه وفشلت ولازم تعمل عمليه تانى.

وواصلت السيدة مشكلتها قائلة: انا مش عايزة الجوازه دى تكمل خوْفاً عليها وفى نفس الوقت هي وخطيبها متمسكين ببعض، وهي حتى مش عاوزه تأجل الفرح لحد ما تعمل العمليه ونطمن عليها ، وخطيبها قالها ابقى اعمليها بعد الجواز.

وإختتمت قائلة: انا دلوقتي خايفة علي اختى من الجواز وفى نفس الوقت خايفة اكسر بخاطرها او احسسها انها مينفعش تتجوز مش عارفة أعمل ايه أنا فى حيره »..

امرأة في ورطة: «زوجي عقيم ورافض يطلقني».. ماذا أفعل؟

وجاءت بعض التعليقات على هذة المشكلة كالأتى :

عبير الزهور :

« بنت عمي الدكتور منعها من الزواج عشان ما تنجب ، ولكن تزوجت بالحاح من خطيبها وأهله ومع ان زوجه عمي مانعت الزواج خوفا على بنتها والكل هيأها لها انها بخير وبعد الزواج هتبقى افضل، ولكن أنجبت طفلين وعاشت مأساة المرض وتركتهم قبل سن الحضانة رحمة الله عليها.

الدكتور لما بيحذر بيبقى عارف الحالة وصلت لايه وتتحمل زواج أو لا مش انجاب حتى
ربنا يعافيها وينجيها بحوله وقوته».

محمد شرف :

« مدام خطيبها عارف بحالتها وموافق وبيحبوا بعضه ، سبيها تتجوزه وتفرح وقادر ربنا لما تعمل العمليه بعد الجواز يشفيها ، واي حاجه هاتحصل قدر ربنا والأعمار بيد الله ، سبيها تفرح وان شاء الله ربنا هايجبر بخاطرها».