ميار الببلاوي: حصلت على مبلغ مالي مقابل تصريحاتي مع بسمة وهبة وندمانة

ردت ميار الببلاوي على هجوم الجمهور عليها بسبب ظهورها مع الإعلامية بسمة وهبة وذلك تزامناً مع هجوم الشيخ الأزهري محمد أبو بكر عليها بعد تصريحها عن عودتها لزوجها بعد طلاقها ١١ مرة .

ميار الببلاوي ترد على الهجوم عليها 

وكتبت ميار الببلاوي عبر حسابها على موقع التواصل الاجتماعي فيسبوك قائلة: كل الناس عماله تقولى غلطك إني طلعتي في برنامج بسمة طيب أقسم بالله ما كنت أعرف أنها هتكون هجومية كده، اتلجمت مكنتش عارفة أرد خالص وكل اللي كان في دماغي إني ألغي الحلقة وليس كل منطوق مقصود.

وأضافت ميار الببلاوي: أنا مطلقتش 11 مرة، كان قصدي أن جوزي على طول بيقول عليا الطلاق يا جماعة دا بتاع البطيخ بيحلف يمين طلاق أن البطيخة حمرا يبقى مراته طالق؟ الناس ماسكه على كلمة واحدة تستاهلي علشان طلعتي مع بسمه خلاص ارحموني.

ميار الببلاوي عن حلقتها مع بسمة وهبة: حصلت على مبلغ مالي لا يذكر 

وأشارت ميار الببلاوي أنها كانت في برنامج مشهور ويحضره كبار النجوم، ولم تكن على دراية بأن ذلك ما يحدث، كما أنها أخذت مبلغ لا يذكر وحاولت ارجاعه مقابل عدم عرض الحلقة معلقة: أنا أخدت مبلغ لا يذكر وكنت مصممه أرجعه وألغي الحلقة وأسالوا أستاذ شريف رئيس تحرير البرنامج أرجوكم كفاية نقد واللي حصل فى الفيديو الناس اللي بتقول تمثيل ربنا يحسسكم بالقهرة وبوجع قلب الشريفة الحرة المتقية ربها.

واختتمت ميار الببلاوي: أنا غلطت أنها لما قالتلى 11 مرة مفهمتهاش إن كلامها يعنى أبقى مطلقة، وبعدين محدش ليه دعوة بحياتى الشخصية، جوزى وابني وجوازي خط أحمر من هنا ورايح.

اقرأ أيضا.. 

«جودر» يعيد نادية شكري للتمثيل بعد اختفاء 45 عاماً