طليق بوسي يرد على تصريحاتها مع بسمة وهبة: «بتتنفس كذب»

بعد حلول الفنانة بوسي ضيفة على برنامج العرافة في الساعات الماضية مع الإعلامية بسمة وهبة وتصريحاتها بشأن طليقها هشام ربيع والتي أكدت من خلالها أنه دخل السجن من أجلها وسبب انفصالها بسبب تدخلات خارجية، وهو ما أثار غضبه لذلك قرر الرد على تلك التصريحات.

هشام ربيع يكشف كواليس طلاقه من بوسي

وأوضح هشام ربيع خلال تصريحات صحفية له أن كل ما صرحت به بوسي كذب وتضليل قائلاً: "الست دي بتتنفس كذب وأنا مقدرتش اسكت على ده، خاصةً بعد تصريح اننا سبنا بعض بسبب تدخلات خارجية، أنا دخلت بسببها السجن 4 شهور عشان احميها من طليقها وقرايبه ولكنها مقدرتش ده ولم تزرني مرة واحدة".

وتابع هشام ربيع: "لما خرجت من السجن روحتلهز عشان أعرف هي بتعمل ايه كدا كانت لتتهرب مني ومش عايزة تقابلني ، وقتها جالي ذهول أن أنا عملت كل ده عشانك وفي الآخر بتهربي مني وعشان كدا طلقتها بعد معرفت معدنا واتأكدت أنها طماعة وبتاعة مصلحتها وغدارة، واعتبرت أنها غلطة من حياتي مش هتتكرر".

تصريحات بوسي عن طليقها هشام ربيع مع بسمة وهبة

 تحدثت بوسي عن علاقتها بطبيعة علاقتها بطليقها هشام ربيع في الوقت الحالي بعد انتشار أنباء حول خلافهم، لتؤكد بوسي أنها تكن لطليقها هشام ربيع كل الاحترام والتقدير قائلة: هشام يستاهل كل حاجة حلوة في الدنيا أنا مشفتش في رجولته ولا شهامته ووقف جنبي كتير، ولسه بحبه وهو عارف.

وأضافت بوسي: "هشام اتحبس علشان يحميني من عصابة عبارة عن طليقي وإخواته والمحامي ابن عم طليقي، وعشان يحافظ على شرفه وعرضه دخل السجن مكاني وخاف عليا وحماني".

وعن تصريح طليقها بأنها لم تقف بجانبه قالت بوسي: "ربنا عالم أنا عملت إيه عشانه بس في ناس مكنتش عايزانا مع بعض بتوصله كلام مش صحيح".

اقرأ أيضاً