نصائح السوشيال ميديا للفتيات للاستفادة من الجيم

تبحث الكثير من الفتيات عن نصائح للاستمتاع بفترة الجيم والاستفادة منها بأقصى طريقة ممكنة، وتعد أبرز تلك النصائح هو ضرورة البحث عن الأهداف من الذهاب لأداء التمارين الرياضية، حيث قد تختلف الأهداف من شخص لآخر، إذا كان الهدف النحافة أو بناء العضلات. 

حيث قالت مهجة فوزي: "كنت قلقانة في الأول، بس الموضوع طلع حلو جدا، واتعرفت على ناس عادي، وجم كلموني، وأصبحت مش متوترة ولا أي حاجة". 

كما أعطت منون أحمد نصائح حول إقامة علاقات الصداقة في الجيم، قائلة: "ممكن تفكسي انك تتكلمي مع بنات عشان تركزي أكتر وهتدخلي تلاقي كابتن تفهمك الدنيا إيه أول ٣ أيام جينرال وبعدين تبدأي تقسمي تمرينك، وخدي هيدفون معاكي اسمعي فيها أي حاجة تسليكي وشوفي تمارين اضافية غير كارديو ومقاومة تعمليها لمنطقة مثلا مضايقاكي في جسمك والجيم هيفرق معاكي أوي بس خدي بالك من الدايرة اللي جوه لو اتعرفتي علي حد واعرفي أنك رايحة تتمرني و تحضري كلاس وتمشي". 

ومن جهة أخرى، تعددت النصائح حول ملابس الصالات الرياضية أو الجيم أبرزها ضرورة البحث عن ملابس رياضية مناسبة ومريحة ومستلزمات رياضية، حيث قالت منة أحمد: "خدي بجانب هدومك إزازة ماية و فوطة و لو جيم ميكس او بتتكسفي، خدي زي جاكت أو حاجة علي الخصر أول يومين هتتوتري بعدين هتاخدي علي الوضع". 

بينما نصحت مايا أحمد الفتيات حول فترة الجيم قائلة: "سماعتك في ودنك، وروحي بدرى عشان يبقى فاضي وتاخدي راحتك والبسي ليجن على توب خفيف وسبورتس برا وشوز رياضي خفيف لو معندكيش، اشترى من محلات الرياضه هتلاقي فيها كل ده وروحى استكشفى الماشينز براحتك كلنا كنا في المرحله دي". 

اقرأ أيضا..