عمرو وهبة: أتمنى أن لا أضطر لعمل لايفات على تيك توك

حل الفنان عمرو وهبة ضيفا في برنامج "ورقة في ملف" والذي يعرض على شاشة قناة النهار، معبرا عن رأيه في توجه نجوم الفن للتفاعل مع الجمهور عن طريق السوشيال ميديا، متمنيا ألا يحتاج لى عمل لايفات على تيك توك بسبب قلة فرص العمل في الفن.

وقال عمرو وهبة، في حواره مع الإعلامي هيثم بسام: " أنا لما كنت مش عارف آخد فرصتي في التمثيل عن طريق الكاستينج أو العلاقات، قولت طالما الناس مش عارفة تشوفني أوريهم أنا نفسي، وبدأت أعمل فيديوهات أون لاين ومنها ربنا كرمني وبدأت أمثل، ولكن لاحظت مؤخرًا أن كل الفنانين مع إنهم عندهم حضور وأسماء كبيرة في التمثيل بدأوا يلجأوا للسوشيال ميديا والتيك توك وإنستجرام، وهما كده بيكونوا أكثر حضورا مع جمهوره".

وتابع:  "التيك توك للأسف في مصر فيه إسفاف، ولكن هو برا في أوروبا نافذة مهمة جدًا بغض النظر عن الهزار، إحنا للأسف بقى مصنف شوية إنه فيه إسفاف بسبب القضايا والمشاكل اللي حصلت عليه".

وأضاف: السوشيال ميديا نفعتني جدًا وعرفتني على الناس، وفيه ناس متعرفش أعمالي الفنية وبتتفرج على فيديوهاتي على السوشيال ميديا، وناخد منها الإيجابي والسلبي، وعلشان الحياة الشخصية بقت مشاع لكل الناس وعارفين كل حاجة عنك.

كما علق وهبة على لجوء بعض الفنانين لعمل لايفات على تيك توك بهدف التربح وقال: " أتمنى إني متحوجش إني أعمل ده، ومقدرش أقول إن ده غلط واللي بيعمله عنده التزامات، واللي بيعمله أول واحد عارف إن دي حاجة غلط ومش مبسوط بيها، ولكن هي بقت وسيلة تربح حلال طالما بتعملها بطريقة محترمة قدر الإمكان.

 يذكر أن آخر أعمال عمرو وهبة هو مشاركته في مسلسل "صوت وصورة" بالاشتراك ما باقة من النجوم منهم حنان مطاوع وصدقي فخر، حيث يجسد شخصية شاب يعمل في مجال الكمبيوتر والتكنولوجيا.

 طريقة عمل «جبنة الكوبايات» في البيت بطريقة اقتصادية مع الشيف هالة فهمي