توك شو

مصطفى كامل بعد تراجعه عن الاستقالة: استلمت النقابة مكان لا يليق بالحشرات (فيديو)

الأحد 04/فبراير/2024 - 08:03 م

مصطفى كامل

أماني صبحي

تحدث الفنان مصطفى كامل عن الإصلاحات التي قام بها داخل نقابة الموسيقيين، منذ تولية منصب النقيب، مؤكدا على اأنه يعمل للصالح العام، ولا يريد كسب ود أحد، وكان ذلك خلال مداخلة هاتفية مع الإعلامي خيري رمضان على قناة المحور الفضائية.

مصطفى كامل: استلمت النقابة مكان لا يليق بالحشرات

قال مصطفى كامل خلال المداخلة الهاتفية: " العودة للنقابة لسة من بكرة إن شاء الله أول يوم، وهي مكنتش مبادرة ولا حاجة قد ما كان قرار بإني أفوض ناس مكاني جايز تقدر تقوم بدور أحسن مني.

كما تحدث مصطفى كامل عن زوجة الموسيقار حلمي بكر، مشيرا إلى ان لا يعلم سبب ما قالته وقال: " كلام زوجة حلمي بكر حاجة من الحاجات اللي استغربتها مش فاهم ليه قالت كدة، لكن للأمانة ساعات بتكون اشتغلت بكامل طاقتك وعاملت ربنا، زي إني دخلت لقيت النقابة بيت لا يليق بإن يعيش فيه حشرات مش بني أدمين، وفي خلال شهر بقى الناس بتيجي تتصور سيلفي جوة النقابة وفرحانين إنهم قاعدين في حاجة تليق بيهم، وكمان عملت على محاربة الفساد.

وتابع مصطفى كامل: " قولت هدي فرصة شهر لـ اللي بيشتغل كويس تمام واللي لا يطلع برا، وللأسف كنا بنلاقي صفحات وهمية على السوشيال ميديا بيهاجموني وبيهاجموا الزملاء في المجلس ويقولوا علينا مرتشين، مرتشين وحرامية إزاي وإحنا وبتقارير محاسبين الإدارة، مستلم السنة اللي فاتت نقابة فيها أول عن آخر 69 مليون جنيه في شهر 11 سنة 2022، وأول امبارح فيها 81 مليون جنيه".

مصطفى كامل: أنا بشتغل لله مش علشان أكسب ود حد

وفيما يتعلق بمعاشات المنتسبين لنقابة المهن الموسيقية قال: " أنا مستلم معاش النقابة 1053 جنيه، والنهاردة بقى ما يعادل زيادة 50 في المية وبقى 1556، ولما بعدي ألاقي حبايبي مبسوطين عشان زودت المعاش بقيمة النص ويقولي أنا سعيد بقوله أنا مش سعيد، مش ده لسة اللي بحلم بيه في النقابة، ورحمة أبويا أنا بشتغل لله مش عشان أكسب ود حد، ودائما أقول ستظل أولويات الناس عندي عن المعاشات وكبار السن والمرضى، ميهمنيش الجمعية العمومية، أنا براهن على اليتامى".