تحدث الإعلامي محمود سعد عن الكثير من تفاصيل حياته الشخصية، وكان ذلك من خلال فيديو نشره على قناته الرسمية بموقع الفيديوهات الشهير؛ احتفالا بعيد ميلاده السبعين، مشيرا إلى أنه كان طفلاً غير مرغوب فيه، وحاولت والدته كثيرا إجهاضه.

وقال محمود سعد خلال الفيديو: "أمي عملت المستحيل عشان تسقطني، ودايمًا كانت تقول الواد ده نازل ضعيف عشان كدة دايمًا تعبان، كان ليا أخين قبلي ثم بنت، وأبويا كان عايز يشوف نفسه، أمي قالت له أنا حامل، ووقتها مكنش في مستشفى تروح تتخلص من الجنين، وناس قالولها نطي من على السرير، عشان تتخلص مني، لكن أبدًا تتخلص من مين أنا فضلت ماسك في الدنيا".

وتابع محمود سعد: " الحقيقة كان غير مرغوب فيا، كل العيلة كانوا كويسين جدًا معايا وبيدلعوني باستثناء أبويا، في يوم ميلادي كانت جدتي أول واحدة تتصل بيا، أهم مكالمة تحصل في عيد ميلادي، كانت بتكلمني الصبح بدري قبل ما أروح المدرسة ربنا يرحمها".

في سياق مختلف، علق الإعلامي محمود سعد على مشاركة الفنانة نجاة الصغير في حفل توزيع جوائز Joy Awards، والذي أقيم خلال الفترة الماضية على مسرح أبو بكر سالم ضمن احتفالات موسم الرياض، مشيرا إلى أن أجرها في الحفل لا يقدر ثمنها وقيمتها.

وقال محمود سعد في فيديو على حسابه الرسمي بموقع فيس بوك: " نجاة الصغيرة فاكهة في مجتمعنا العربي، ولما طلعت قالوا دي خدت نص مليون دولار، دا السقف بتاعكم يعني؟!.. إيه نص مليون دولار ده؟

وتابع محمود سعد: "كمان بيقولوا خدت 250 مليون جنيه، وهو ما يعادل الـ 5 مليون دولار تقريبًا، رقم مش كبير خالص على نجاة، تاخد زي ما تاخد فنانة كبيرة وراحت غنت في حفلة من حقها تاخد فلوس، هي راحت تشارك في حاجة فن، راحت تأدي عمل مقابل مادة، وكل واحد بياخد فلوس حسب قيمته".