تحدثت الفنانة غادة عبد الرازق عن علاقتها بأزواجها السابقين، وهل تؤدثر أدوارها في الدراما على شخصيتها وتعاملها مع الرجل في الحقيقة، وكان ذلك من خلال حلولها ضيفة في برنامج "الرديو بيضحك" عبر إذاعة الراديو 9090

وعلقت غادة عبد الرازق على ما يكتب عنها في وسائل التواصل الاجتماعي باعتبارها شخصية قوية وقالت: "بضحك على تعليقات الناس اللى زي دي، وبقول إن ده بتشوفوه في الشاشة بس، آه أنا من صغري شيلت المسؤولية، لكن أنا ست زيكم وعمري في حياتي ما هكون مرتبطة بشخص وأنا مش بحترمه.. مينفعش، الراجل راجل والست ست".

وتابعت: "لو أنا والشخص اللى معايا في يوم وصلنا إننا نقف في وش بعض، هقوله لازم نقف وإننا لا نصلح إننا نكون أزواج، لكن عمري ما أعلي صوتي عليه، وعمري ما أهزأ الراجل".

 

كما تحدثت غادة عبد الرازق خلال البرنامج عن حياتها العاطفية والشخصية حيث قالت: "أنا عاطفية جداً ودمعتي قريبة، وقوّتي إني لما أتهزم أقف تاني، ولكن قوّتي مش في إني مؤذية أو شريرة، أنا مش عارفة أبقى لئيمة".

وتابعت: "عارفة يعني إيه يبقى عندي 53 سنة ومعنديش أصحاب؟ كان عندي صاحبتي خسرتها من 25 سنة وقاطعتها ست سنين علشان اتكلمت عليا، ومن سنة عملت نفس العملة تاني وسمعتها ومتسجّل ليها، ليه أنا عملت فيها إيه؟ ولا خربت بيتها ولا خدت جوزها، دي لو كانت طلبت عنيا كنت اديتهالها، قعدت أقول أستغفر الله العظيم ربنا مبيديش كل حاجة، خلاص أنتي مالكيش رزق ولا في أصدقاء ولا في حياة عاطفية، أنا خلاص أُنهكت".

يذكر أن الفنانة غادة عبد الرازق شاركت في السباق الرمضاني السابق بمسلسل "تلت التلاته، وفي رمضان القدام تشارك بمسلسل "صيد العقارب".

.

اقرأ أيضا

خطوبة الفنانة العراقية أصيل هميم ورسالة مؤثرة من والدها (صور)