بعد تداول العديد من الأنباء خلال الأيام الماضية عن سخرية الشاعر أيمن بهجت قمر من طليقته ووالدة أبنائه خلال أغنيته الجديدة مع الفنان عمرو دياب «معرفش حد بالاسم ده» الذي ربط بعض الجمهور كلماتها بها.

تعليق زوجة أيمن بهجت قمر

لتعلق السيدة إنجي عبد الحافظ على تلك الشائعات عبر حسابها على موقع التواصل الاجتماعي فيس بوك وكتب: "مش قادرة استوعب انتشار خبر طلاقي  أنا و أيمن و ربط كلام كتبه في أغنية بطلاقه ل أم ولاده و عشرة عمره.. وانتشار الخبر علي كل المواقع..و فتح باب التريقة و التهريج على السوشيال ميديا، وربط فيه إهانة في حق أيمن و ازعاج شديد ليا لأنه ضايق ولادي جدا جدا.. حبة مبادئ و احترام لخصوصيات الناس يا بشر!، حسبي الله و نعم الوكيل في كل حرف مؤذي اتكتب".

وتابعت السيدة إنجي عبد الحافظ حديثها: "ربنا يعوضني أنا وولادي يا رب عن كل حاجة وحشة شفناها و يدي أي مؤذي علي اد أذاه.. يعوضنا جميعا يا رب ... كل سنة و انتوا بألف خير يا رب سنة حلوة عالكل".

 رد الشاعر أيمن بهجت قمر 

ومن جانبه علق الشاعر أيمن بهجت قمر على  الجدل المثار حول أغنيته «معرفش حد بالأسم ده»، عبر حسابه على فيسبوك وكتب: "فيه خبر نازل فيه تلميحات بسبب أغنية معرفش حد بالاسم ده.. ياريت محدش يربط بين حياتي الشخصية والأغاني اللي بكتبها عشان فعلا الموضوع ده بقى بيضايقني من القريب والغريب وكل الاحترام لكل الناس".

وتابع: "بالنسبة لأغنية المعنويات مرتفعة فيها جملة بتقول: مفيش خلاص حد له حاجه عندي، حبيت أوضح برضه إن دي طبعا مالهاش علاقه بالناس اللي ليهم عندي فلوس.. وسنة سعيدة على الكل".

اقرأ أيضا..

معرفش حد بالإسم ده.. أول تعليق من أيمن بهجت قمر بعد أنباء انفصاله