تصدرت الفنانة داليا شوقي حديث السوشيال ميديا خلال الساعات الماضية بعد استبدالها بالفنانة الشابة أميرة أديب التي تجسد شخصية هند في مسلسل "وبينا معاد"، مما أثار حالة من الغضب العارم لدى الجمهور الذي تفاعل مع الشخصية والدور القوي الذي جسدته داليا شوقي.

تعليقات الجمهور على استبعاد داليا شوقي من وبينا معاد 2

وجاءت تعليقات الجمهور كالتالي:

كتبت ولاء الشافعي: كام سؤال كده ف بالي من أمبارح هو المخرج جاب أميرة أديب بديله لداليا شوقي بتاع أيه .. أولاً اميره اصغر من شخصية هند ف المسلسل إزاي هتقدر تأديها .. ثانياً هند كانت اقوي بنات ناديه من حيث الأفعال والمواقف الي بتحطط فيها .. والخط الدرامي بتاع المرض بتاعها .. تتفق أو تختلف معايا بس أنا مقنعه جدا جدا بدور داليا شوقي بشخصيه هند، فمش مقتنعه خالص أن حد يقدر يقدم دورها بنفس الأداء.

بينما علقت جهاد قائلة: حاسة أن الجزء التانى هيبوخ اوى مادام غيروا فى الأبطال.

خالد جوهر: ممكن أعرف مين دي ؟ وإيه تاريخها في التمثيل علشان تبقي بديلة داليا شوقي ؟ وإيه دراستها وحجم موهبتها علشان تقدر تجسد شخصية هند اللي كلنا متففين إن هي أصعب شخصية في ملحمة وبينا ميعاد بعد شخصية الكابتن اللي لابس جاكيت ازرق ده. 

وتابع: عزائي الوحيد لنفسي إن نسبة مشاهدة المسلسل هتقل النص بعد عدم وجود شخصية هند لأن بالنسبالي الشخصية ماىٓت بعد اعتذار داليا شوقي.

تعليق داليا شوقي عن استبعادها من وبينا بعاد 2

يذكر أنه وقع الاختيار على الفنانة أميرة أديب، كبديلة للفنانة داليا شوقي، في مسلسل "وبينا معاد" الموسم الثاني من قبل المخرج هاني كمال، وقد علقت الفنانة داليا شوقي، عبر حسابها على إنستجرام عن أسباب استبعادها وكتبت: "كان سر كبير وتقيل بس أعتقد دلوقتي كلكو عرفتوه".

وتابعت: "بالنسبالي هند حكايتها خلصت في أول جزء من وبينا ميعاد، مقدرتش أكمل لتغييرات جذرية من وجهة نظري عن الشخصية، وفي أشياء تانية كتير".

وأضافت: "‏‎الأمانة راحت لشخص أنا بحبه جدا وبتمنى التوفيق للجميع. شكرا على كل رسايلكم وعلى حبكم.. يا رب هند تفضل في قلوبكم زي ما هي كانت وستظل حتة مني".

..اقرأ أيضا

حقيقة هروب محمد رمضان بعد حكم حبسه وخبير يكشف موقفه القانوني