حلت الممثلة الشابة خلود عز ضيفة في برنامج البيه والهانم، والذي يعرض على قناة القاهرة والناس، وناقشوا خلال الحلقة حرية الرأي لدى المرأة، ولماذا هذا الحق مكفول للرجل دون المرأة، واشاروا إلى ضرورة توخي الحذر من السوشيال ميديا باعتبارها داخل كل منزل، ويمكنها ان تشكل الرأيي العام بشكل كبير.

وقالت خلود عز خلال الحلقة: "بنتكلم عن الحرية بشكل والبني آدم بشكل عام، ليه حرية في الرأي حتى لو رأيه غلط، ولكن عنده حرية أنه يتكلم، لكن ليه بقى أول ما الست تتكلم نقف ضدها ونقول إيه ده، ومن حق أي إنسان يعبر عن رأيه، لكن أول ما الست تقول أنا حرة أو يكون ليها آراء نعترض، ما هي حرية".

وخلال الحلقة، عبر الإعلامي محمود الشناوي عن وجهة النظر المعارضة، والتي ترى أن المرأة ليس من حقها إبداء رأيها في العديد من الأشياء حيث قال: "تقول أنا مش عاجبني في الراجل كذا وكذا والراجل لازم يكون فيه كذا، وإحنا اتربينا على ده من قديم الأزل، ما ينفعش الست تقول كدة".

وتابع محمود الشناوي: "والسوشيال ميديا أخطر مما تتخيلي، لأنها جوه كل تليفون طفل وبنت وست كبيرة، والسوشيال أصبحت سلاح ذو حدين والوضع بقى مخيف ممكن حد يقول رأي مش صائب فيدمر بيوت جاية تتفتح".

فيما عبرت الممثلة خلود عز عن رأيها في الحرية حيث قالت: "أنا شخص واقعي وكل الستات بتتجوز سواء صالونات أو عن حب، أيا كان، لكن المشاعر الحقيقية من ناحيتها مش بتكون لجوزها، وده رأيي، لكن محدش يقدر يقوله ويصرح به".

وتابعت خلود عز:  في بنات بتتجوز علشان الجواز أو علشان البس فستان فرح زي بنت خالتي، أو لأنه مسؤول، لكن المفروض أي بنت تقعد مع نفسها ونشيل الفستان والفرح واللي بحبه لأي غرض ونكون واقعيين ونسأل نفسنا، أنا عاوزة إيه في حياتي؟ هل عاوزة أقعد في البيت ولا أجيب ولاد؟ ولا عاوزة راجل يكون ظهر وسند؟ ويعني إيه يكون ظهر وسند؟.

ونقدم لكم من خلال موقع هير نيوز، أخبار وتقارير، صاحبة المعالى، منوعات، فن وثقافة، كلام ستات، بنات، هير فاشون، حوادث، رياضة، صحتك، مال وأعمال، توك شو، مقالات، دنيا ودين.