أثار شقيق شيرين عبد الوهاب الجدل من جديد بعد تعليقه على انفصال شقيقته من الفنان حسام حبيب ووصفه بـ لوسي ابن طنط فكيهة، ليرجع مرة أخرى ويعقب على موضوع الانفصال ببوست مطول وذلك بعد الضغط الذي تعرض له على مدار اليومين السابقين من الصحفيين.

شيقق شيرين عبد الوهاب يعلق على انفصالها عن حسام حبيب 

وكتب محمد عبد الوهاب عبر حسابه على فيس بوك قائلا: "والله ولا كنت عايز أعلق على الموضوع أساساً ولا عايز أصلاً تبقى ليا علاقة بأي حاجة.. أنا بس المعلومة عندي من يومين ومن كتر التليفونات والرسايل من الصحفيين وأنا ما ليش أي علاقة لا من قريب ولا من بعيد بموضوع حسام حبيب ولا عايز".

شقيق شيرين عبد الوهاب : الطاقة اللي عندي يدوب تكفيني

وأضاف شقيق شيرين عبد الوهاب:  "الحقيقة بحبها أوي، روحي وعمري وأختي الكبيرة وتاج راسي وخيرها عليَّ ولحم أكتافي من خيرها وأمي التانية بعد أمي، وبإذن الله هترجع تاني تكسر الدنيا وتمتعنا بفنها وغناها وصوتها وإحساسها اللي مفيش زيه في الكوكب كله، وبتمنى لها كل خير من كل قلبي وتاخد بالها من ولادها سندها في الدنيا ونور عينيها، بس كله من وأنا بعيد في حياتي.. وحياة أمي بحبها أوي بس والله الطاقة اللي عندي يدوب على قد شوية الأمراض اللي جت لي والحمد لله على كدا، ما ليش علاقة بأي حاجة أتمنى تسيبوني أرجع شخص عادي ملوش علاقة غير بنفسه وبس شكراً".

اقرأ أيضا..

تعليق ناري من شقيق شيرين عبد الوهاب بعد انفصالها عن حسام حبيب «لوسي ابن طنط فكيهة»