دخلت أماني سوكا زوجة الإعلامي عمرو أديب الأولى في موجة من البكاء، في أثناء حفل زفاف ابنها خالد، وذلك أثناء توجيهها رسالة له في أثناء حفل الزفاف الذي أقيم أمس، في حضور أقارب العروسين، حيث حضر الحفل كل من الإعلامي عمرو أديب وزوجته لميس الحديدي وعم العريس عماد أديب وابنته أميرة أديب.

وجهت أماني سوكا، زوجة عمرو أديب الأولى، كلمة  لابنها خالد يوم حفل زفافة، حيث انهارت من البكاء قائلة: ""خالد أنا فخورة بك أنت تجاوزت كل توقعاتي"

وخلال الحفل وجه عم العريس الإعلامي عماد أديب، نصيحة لابن شقيقه في يوم زفافه، قائلاً: "أولا مبروك لخالد وفرح، خالد كان أول ولد في الأخوات التلاتة والعيلة، وكانت فرحته كبيرة جدا عندنا".

وتابع: "أنا هقولكم حاجة لك، وحاجة ليكم انتم الاثنين، بالنسبة لك أنت، لازم لازم تعمل تمثال لأمك ولأبوك، لأنهم يستاهلوا، أنا عشت معهم وعارف التجربة".

كما قدم خالد والده للحضور خلال الحفل قائلا: "الرجل اللي طمني إن كل حاجة أنا عمري هحتاجها هتبقى موجودة، وفي نفس الوقت، الرجل اللي رعبني طول عمري إن شعري هيقع، وموقعش، سيداتي آنساتي .. أستاذ عمرو أديب".

 إلا أن عمرو أديب مازحه قائلاً: "طبعا بداية غير جيدة وغير موفقة، إنه يتكلم عن شعري، هو كدة خسر نص الهدية ونص شهر العسل، ونص كل حاجة، عايز أقول لكم على حاجة مهمة، لو في ميزة في كل رجالة وأبناء عيلة أديب، إنها ناس طيبة جداً، يعني كلنا بشكل أو بآخر ممكن يبقى فينا عيوب الدنيا، لكن هتلقى البذرة اللي جوانا ناس طيبة وأميرة، عشان كدة أنا النهاردة بهدي ابني وهو أحد الطيبين في عيلة أديب، وشخص أمير جدا لمراته، فرح، وأقول لها حافظي على الطيبة دي، واستغليها لأنها أساس استكمال الحياة، احنا بقينا في عصر قليل فيه أوي الطيبين، لذلك أنا فخور جدا إني بنتمي للعيلة دي".

وتابعت: "أشكر حضراتكم جداً على حضوركم، كان نفسي أعيط بس مش جاي معايا عياط، إنما هسيب لكم أنتم العياط، وبشكر لكل حد جالنا في الظروف دي، وبقول له أنا بحبك يا ابني جدا جدا جدا جدا، وبحب فرح جدا جدا جدا، ونفسي يعملوا كل الحاجات اللي مقدرناش نعملها، طبعا محدش يقدر يعمل الحاجات اللي عملناها، أنا بشكركم وسعيد بكم، اليوم بشوف أهلي اللي بقالي كتير ماشوفتهمش".