ويجز يواصل مناصرته للقضية الفلسطينية على المنابر الإعلامية

واصل مغني الراب المصري ويجز دعمه للقضية الفلسطينية، ورفضه للعدوان الإسرائيلي على قطاع غزة، بالإضافة إلى اتهامه لأمريكا والمجتمع الدولي بالتواطؤ، والتخطيط للمجزرة التي تتم الآن في غزة على مرئ ومسمع من العالم، دون أن يطالبوا بوقف اطلاق النار على المدنيين داخل القطاع. وكان ذلك خلال مقابلة تليفزيونية

وقال ويجز في أحد البرامج التليفزيونية: "من وجهة نظري مفيش حد يجي يكلمنا بقى أن أمريكا بلد حرية وديموقراطية وبتاع، لا لا، بالعكس، انت بس بتحطني على خط أنا لازم امشي عليه عشان تبقى هي دي الحرية، وأول ما أطلع براه يبقى هو دا مش حرية ولا حاجة، نفس الحاجة أنت بتخاف من الناس المختلفة عنك، وبتخاف من أشكال الحياة اللي ممكن ماتبفاش واخدة نفس الشكل بتاعك".

وتابع ويجز: "مثلا الاستخبارات الأمريكية (CIA) مش عارفة، وأنا اللي عارف إيه اللي بيحصل في غزة؟! لا هما مليون في المية عارفين اللي بيحصل في غزة، واللي بيحصل في غزة معمول حسابه ومعمول له خطة والجو جميل، يعني الناس دي عارفة كويس هي بتعمل ايه، وأدام الناس كلها، دا اللي أنا بتكلم فيه أنا دوري بقى كبني آدم إيه، أنا دوري أن أنا أوصل صوتي، وأتكلم وأقول على فكرة احنا مش مغيبين أو عبط عشان نبقى عارفين أو حاجة زي دي تعدي علينا عادي".

كما تحدث ويجز عن الفئة المغيبة حيث قال: " طبعا في ناس بتتفرج عليه ومصدقاه فتغيب يعني أكيد ما تقوليش آه غارات على غزة، وفي الآخر تجيب لي بيت واقف واخد طلقتين، يعني دا مش البيت اللي اتقصف، ودي مش الصورة الحقيقية".

أحيا ويجز خلال الفترة السابقة حفلا بكندا والذي تحول لمظاهرة لنصرة القضية الفلسطينية، كما طالب جمهوره في الحفل بفتح لايف مباشر والتحدث عن القضية الفلسطينية، وإيصال صوتهم للعالم كله.