بملعقة واحدة.. 6 فوائد للعسل تحدث في جسمك لن تصدقيها.. ما هي؟
كيف تقود الأم حرب ابنتها العروس مع «سلفتها☻»؟ (سيناريو)
الإثنين 23/أكتوبر/2023 - 07:43 م
وائل كمال
من المعروف أن العلاقة بين الزوجة و"سلفتها" لا تكون أبدا على ما يرام في جميع العائلات تقريبا، وأحيانا تلجأ الزوجة لوالدتها للاستفادة من خبرتها في كيفية إدارة العلاقة مع "سلفتها" للانتصار عليها في الحرب التي تدور بينهما كل يوم تقريبًا، ما يؤجج الصراع وينقله إلى مستويات مختلفة.
وغالبا ما تنجح الأم في مهمتها، لما لها من خبرة طويلة تكرسها كلها في خدمة ابنتها للفوز على سلفتها في جميع جولات المعركة، وهو الهدف الأسمى للزوجة ولوالدتها ولا يشعرن بالسعادة إلا عندما يتحقق.
كيف تدير الأم حرب ابنتها مع سلفتها وما هي النصائح التي توجهها لها؟.
تابعي السيناريو التالي ربما يكون مفيدا لك في حربك مع سلفتك..
- سلفتك حامل يا حبيبتي 😂😂
= عارفة ياماما
- حبيبة قلب ماما هتعمل إيه دلوقتي؟
= هحمل وأولد قبلها بأربع شهور
- ولو هى جابت ولد ؟
= هجيب أنا ولدين
- ولو جابت بنت ؟
= هجيب برضو ولدين
- ولو ملحقتيش تولدي قبلها ؟
= هتبني فى وقتها
- المهم فى الليلة كلها ؟
= إننا نحرق دمها
- إوعى تخليها تغلبك يا نسمة يا حبيبتي
= عيب ياماما
-الله يسعدك يا حبيتي .. لو شوفتيها
ناشرة هدوم هتعملى إيه ؟
= هنشر فوقيها وأطرطش عليها
- ولو هى حشيت ورق عنب ؟
= هحشى أنا العنب نفسه
- عشان الست الناصحة من يومها
= ما تخليش سلفتها أحسن منها
- الله يكلمك بعقلك يا حبيبتي .. القاعدة الأولى بتقول إيه ؟
= السلفه لا يمكن تصفى
- واللى تتجوز أخو جوزك ؟
= تفرح لـ لوية بوزك
- هدوم عيالك لازم تبقى إيه ؟
= أغلى من هدوم عيالها بضعفين
- ودهبك لازم يبقى إيه ؟
= أتقل من دهبها مرتين
= وجوزك لازم يبقى إيه ؟
- أطول من جوزها بشبرين
= لو شوفتيها ملبسه عيالها تقيل
- هبلسهم اللى فى الدولاب كله
- ولو لبسهم لبس خفيف ؟
= هقلعهم أنا بلابيص
= ولو ضفرت شعر البنات
= هضيف لبناتى فيونكات
- الله يكلمك بعقلك يا حبييبتي ..
القاعدة التانيه بتقول إيه ؟
= حماتك إبلفيها .. قبل ما سلفتك تكوش عليها
- لو شوفتيلها جايبلها حاجة ؟
= هقول عليها وحشة كالعادة
- ولو طبختلها قدامك طبخة ؟
= هطلع فيها القطط الفاسطة
- ولو قالتها نكتة و ضحكتها
= هزغزها أنا من تحت باطاتها
- ولو باستها من خدها ؟
= هبوسها أنا من بؤقها
- إوعى تخليها تغلبك يا نسمة يا حبيبتي
= ماتقلقيش ياماما
- الله يكملك بعقلك يا حبيبتى ..
- تعيشى ياماما
= يلا ياحبيبتي .. روحي إنتى بقى عشان تلحقي تحملى وتولدي وتسبعي وتربعنى قبل ماهى تعرف نوع الجنين
وبعد هذا السيناريو الفكاهي، تتمنى "هير نيوز" لك حياة سعيدة وانتصارا كاسحا على سلفتك.
اقرأ أيضا..
ونقدم لكم من خلال موقع هير نيوز، أخبار وتقارير، صاحبة المعالى، منوعات، فن وثقافة، كلام ستات، بنات، هير فاشون، حوادث، رياضة، صحتك، مال وأعمال، توك شو، مقالات، دنيا ودين.
ونقدم لكم من خلال موقع هير نيوز، أخبار وتقارير، صاحبة المعالى، منوعات، فن وثقافة، كلام ستات، بنات، هير فاشون، حوادث، رياضة، صحتك، مال وأعمال، توك شو، مقالات، دنيا ودين.
