علقت طليقة الفنان شريف منير لورا عماد على جدل هجوم ابنتيها بعد البوست الشهير الذي عبرت فيه عن استيائها من معاملتهما مما دفعهما لاستنكار موقفها، وأثار هذا المنشور الجدل آنذاك على السوشيال ميديا.

سبب هجوم ابنتيها

وأشارت لورا عماد في تصريحات تليفزيونية إلى أن ابنتيها كانا مجبورين على رد الفعل ذلك، وأكدت أن ما فعلته كان بدافع حبها الشديد لهما معلقة: بناتي بيكرهوا السوشيال ميديا، ومتلوميش القطة لو حد جه جنب عيالها، ولو حد جه جنب عيالي هاكلهم، ويمكن همًا مغصوبين يعملوا كدا.

وعن رأيها في منشور إعلان طلاقهما الذي نشره شريف منير أوضحت أنها لا تعاتب ولكنها تأخذ موقف من الشخص لافتة إلى أن المنشور لم يكن لطيفا.

موقف لورا عماد من العمل مع شريف منير

كما كشفت عن موقفها في العمل مع طليقها الفنان شريف منير وقالت: معنديش مانع أعمل مع شريف لو العمل كويس وعجبني، هفصل وهعمله.

خلاف لورا مع ابنتيها 

وفي وقت سابق أثارت لورا، الجدل بعد تطرقها للحديث عن مشكلة مع ابنتيها من الفنان شريف منير عبر حسابها على موقع التواصل الاجتماعي إنستجرام وكتبت معاتبه ابنتيها: رسالة إلى بناتي فريدة وكاميليا.. بما إنكم خلاص قررتوا تبقوا مش في حياتي بعد ما اديتكم عمري وصحتي وحبي واهتمامي وضحيت عشانكم كتير!! وكل مدارسكم بمدرسينكم بدكاترتكم بأصحابكم بأمهات أصحابكم يشهدون بأن أنا كنت أم عاملة إزاي!

وأضافت: بقولكم مبروك عليكم عيلتكم الجديدة! وهقولكم حاجة واحدة بس! اللي مالوش خير في أمه ملوش خير في حد! بتمنالكم كل خير وصحة وإن ربنا يهديكم في يوم من الأيام! بس ربنا موجود وكبير قادر على اللي عمل فيكم كده إنه يرده ليه في يوم من الأيام! مامي لورا يمكن تكونوا نسيتوا اسمي.

وعلقت فريدة: ليه بتعملي كده؟ ليه بتخلي شكلنا كده قدام الناس.

وردت لورا: أنتوا بتموتوني كل يوم.. وانتي عارفة كده كويس.. ربنا يهديكي.. صحيح الزّن على الودان أمر من السحر

بينما علقت كاميلا: عمرنا ما بعدنا عنك، وغير كده أنا كنت لسه قاعدة معاكي امبارح ومكنتش عارفة إنك بتفكري في كده.

لترد عليها لورا: أنتم عارفين كويس أوي إني بشحتكم وبتهربوا مني، ربنا موجود ويهديكم من الزن اللي على ودانكم.

اقرأ أيضا..

سر خلاف لورا عماد مع ابنتيها بعد انفصالها عن شريف منير