مي العيدان تهاجم أنغام: طمعانة في الجنسية الكويتية.. جاية تقبض وتخلع (فيديو)

هاجمت الإعلامية الكويتية مي العيدان المطربة أنغام، عقب حفلها "ليلة العمر" حيث قامت بتقديم ابنها عبد الرحمن ابن الموزع الكويتي فهد الشليبي أثناء وجودها على المسرح، كما طلبت من الجمهور تعليمه اللهجة الكويتية، حيث إنه من المفترض أن يحصل على الجنسية الكويتية بعد شهرين من الآن.

شنت مي العيدان هجوما عنيفا ضد المطربة أنغام عقب حفلها في الكويت، أمس حيث اتهمتها بالتصنع والرغبة في الضحك على الجمهور الكويتي، وفرض ابنها على الشعب الكويتي من خلال الجنسية التي سيحصل عليها بعد شهرين من الآن، وذلك من خلال فيديو نشرته لأنغام على صفحتها الشخصية على موقع تبادل الصور والفيديوهات انستجرام.

حيث قالت: "طب يا ست أنغام متشكرين على التريند اللي عملتيه بابنك عبدالرحمن باشا فهد الشليبي؛ لإن الصراحة عمل ترند أكثر من حفلتك عشان تعرفينا سيادتك إن انتي بتحبينا وعندنا ابن كويتي من حضرتك، طبعا كويتي بالاسم والعصب فقط والتبعية لكن هو مش عارف يتكلم كويتي نهائيا طبعا.

وتابعت مي العيدان: أول مرة يدخل الكويت مع حضرتك النهاردة لحسبة تجارية وسياسية بحتة، الولد عمره ١٧ سنة و ١٠ شهور حيستلم قريبا الجنسية الكويتية خلال أيام ودي جنسية كاملة الدسم، جنسية تشر فلوس ومع تعويم الجنسية تحويل الدينار بقى جامد

وأكملت: لو كان هامك الأمور الإنسانية كنت جيتي ربيتي الولد بالكويت بين أهله ولما طلع لك على المسرح يلبس لبس بلده الدشداشة والغترة والعقال، لإن الحفلة هي في بلده وبيته مش طالع بدلة".

وأضافت: وحكاية اعتبره احنا نعلمه الكويتي على يكبر يا حبيبتي التعليم بالصغر كالنقش على الحجر، عايزة بعد بقى ١٨ نعلمه اللي ما اتعلموش بصغره دي مسئولية الأم يا باشا أنا أمي مصر وأبويا دكتور كويتي، كانت تجبرنا نتكلم كويتي تقول دي لهجة بلدكم وأهلكم لازم تعرفوا ولا جايبينه لا يعرف لا يتكلم كويتي ولا يعرض تاريخ الأرض اللي يحمل جنسيتها وحكامها وكفاحهم، عشان يحافظ عليها بالدم ولا بالجاهز أخذ الجنسية وكويتي واشلون يطلع لي قد إيه مكاسب وحقوق وهو قاعد بمصر طول السنة، وبيتكم مصري طبعا ماكنتش فاضية تعلميه كويتي وتاريخ بلده لان كنتي مشغولة بالجوازات أحمد عز وأحمد إبراهيم مع انك باللهجة الخليجية زي البربنط بس انت شكلك ماخذة الخليجي كلهجة سبوبة مش نظام بحبكم، كله شغل تقبضي وتخلعي على مصر".