حدث بالفعل.. غادة عبد الرازق السفاحة الحقيقية والجمهور بين مؤيد ومعارض

آثارت الحلقات الأولى من مسلسل "حدث بالفعل" جدلا واسعا على مواقع التواصل الاجتماعي، نظرا لقصة المسلسل التي تظهر دور الحماة المتسلطة التي تحب ابنها بشكل أناني، ما يجعلها تؤذي الفتاة التي يحبها، وتعرض «هير نيوز» أبرز التعليقات التي كتبتها الفتيات على قصة المسلسل وشخصية الحماة الأنانية، التي قامت بدورها الفنانة غادة عبد الرازق.

علقت هيام على دور غادة عبد الرازق: "بعد إذن سنة الحياة.. يعني أنا بجد سنييييين اتحمل حَمل وخلفة ورضاعة وزن ودراسة وطلبات ومتطلبات، وارويه حنان ومراعاة واهتمام واحتواء وتيجي واحدة حربوئة بعد ٢٥ سنة تلف عليه وتاخذه وتسافر وتبقى أقرب لابني مني! قلبا وقالبا مع أستاذة غادة عبد الرازق ودعواتي أنها تفلت من العقاب".

وكتبت دعاء: "وحيد ولا مش وحيد هى عامة أى ست بتغير لو حست إن إبنها ممكن يتعلق بواحدة غيرها دى طبيعة وجبلة بشرية ولازم البنت تحاول تتفهم ده وتكسب حماتها لصفها وتتقى ربنا فيها والعكس الحما تعتبر انها بنتها وتراعى ربنا فيها بس انا عن نفسى لما أجوز إبنى إن ش الله مش هغير ولا أى حاجة بالعكس نفرح انه هيحل من عن دماغى لانى إتعودت متعلقش باى حد ولا اى حاجه ،، التعلق موت والتغافل والامبالاة حياة طبعا كلامى ده ميبررش اللى الحرباية دى عملته".

وقالت ناني: "طبعا انا مش مع اللى غادة عبدالرازق عملته مع خطيبة ابنها بس انا متعاطفة معاها كأم .. وحاسه أنها طبعا حاجة تضايق اللى ابنها عمله بس الام اولا وبعدين يفكر فى اى حد تانى".

وعلقت سلمى: "عاوزة أعترف اعتراف سودوي شوية لكن الحقيقة إنه فيه عداء شخصي بيني و بين الفنانة سلمى أبو ضيف من زمان.. سبب حبي لأحمد حاتم إنه كان بيديها كل عَ-لقة أجمد من اللي قبلها في مسلسل حلاوة الدنيا ولما شفت منعطف خطر كان نفسي أعرف مين اللي قتلها عشان أشكره ولذلك انا في تيم غادة عبدالرازق وبشجع اي حد يعكنن على الفنانة موهبة مدفونة لعن الله من أيقظها".

وقالت يمنى: "بجد مستغربة الناس اللى اخداا غادة عبدالرازق قدوة للحموات اظن انها عندها حب تملك لابنها و دا مرض نفسى و الغلطة فى تربية ابنها لو ربته كويس و ان يبقى عتده شخصية وانه راجل يعتمد عليه انه قادر ياخد قرارات فى حياته و علمته يعنى اى ام و ليها احترام و زوجة و ليها احترام و ان مفيش جو الحموات دا هيطلع بنى ادم سوى و يقدر يختار شريكة حياه سوية شبه

انا شايفة انها هى وابنها مرضى نفسين".

اقرأ أيضا..