مشكلتك لها حل | أعيش قصة حب «مهينة».. ونهى الطالوني تنصحها: اجرررري

مشاكل كثيرة ومتنوعة تمتلئ بها البيوت المصرية، فلا يخلو أي منزل من المشاكل، وهناك مشاكل قوية وشديدة يمكنها أن تقضي على استقرار الأسرة، وأخرى بسيطة يمكن التغاضي عنها أو حلها بكلمات بسيطة، للوصول في النهاية إلى حالة من الهدوء والسكينة بين أطراف المشكلة.

وبطلة قصة اليوم تقول: "أنا منفصله منذ 8 سنوات كنت لسه في بدايه التلاتينات، كل حاجه في حياتي اتدمرت في السن اللي كان المفروض ابدأ فيه مش انتهى، حبيت واحد متجوز حب أفلاطوني حب عذري من غير شروط ولا قيود ولا حدود كنت بشوف سعادتي في إسعاده، كنت عايشة بس علشان أراضيه، هو نقطه ضعفي الوحيده هو النفس اللي بتنفسه حرفيًا".

وأضافت: "قبلت على نفسي أوضاع مهينة تقديرا لظروفه وعلى النقيض تماما هو حب حبي له واتعلق بس باللي بياخده مني، بيستحل وجعى وبيتلذذ بإذلالي، لا شوفت منه حنيه ولا عمره التزم بوعد، لا بيسأل عليا ولا بيهتم بيا وبس بيستغلني، ايوه بيستغل حبي له علشان يرضي غروره ورجولته بضعفي".

وتابعت: "بيفرح أوي باحتياجي له وشغفي عليه، عمره ما اعتذرلي ولا حطني جوه خطط يومه وكأني اتخلقت علشان ارمي نفسي عليه واهينها بس، ناقصني إيه علشان يحبني؟ ده أنا محبتش في حياتي غيره، راضيه بكل حاجة معاه وأقول لنفسي معلش معذور مش مصدق إن فيه حب بالدرجه دي، القليل منه كتير أوي وبيفرحنى ده إن شوفته".

وواصلت: "لحد دلوقتي معرفش بحبه ليه؟! معرفش مكرهتوش ليه ؟! معرفش عاوزاه ليه؟! أنا بحب شخص نرجسي بمعني الكلمة بيمتص طاقتي بس بحبه ومريضه بيه ومش عارفه أخف".

وردت نهى الطالوني مسؤولة حل مشكلات القراء في "هير نيوز" عليها كالتالي

خلقه يعرف يتجوز 4 ويعدل بينهم ويصاحب عليهم إنما انتي متعرفيش تحبي غير واحد، خلقه بيفكر في نفسه وخلقك انتي بغريزه أم بتلمي حواليكي خلقه عملي والحب بالنسبة له جزء من حياته وخلقك عاطفية الحب هو اللي بيغذيكي ويقويكي وهو كل حياتك.