أزمة البحث عن عريس تشغل فتيات السوشيال ميديا والحل غريب!

البحث عن عريس أحدث تريندات الفيسبوك المثيرة للجدل، حيث كتبت إحدى الفتيات منشور كشفت خلاله عن أنظمة البحث عن عريس التي تعيشها الكثير من الفتيات في المجتمع، وقالت الفتاة في منشورها: "ازاي ادور علي عريس بجد مش هزار لو سمحتوا.. انا مش بشتغل غير من البيت وبروح اماكن محددة فقط وعمري بيعدي بسرعة اوي".

وعلقت الكثير من النساء لتشجيعها على عدم التفكير في الأمر وتتركه للنصيب، بينما قدمت لها أخريات الحل في جروبات على موقع التواصل الاجتماعي "فيس بوك"، يمكن أن تجد لها عريس مناسب تحت مسمى «توفيق راسين في الحلال».

وعلقت رضوى : "انزلي اشتغلي انزلي خودي كورسات انزلي جيم ونصيبك هيجيلك هيجيلك بس انزلي اشغلي نفسك وميبقاش تارجت هو العريس نصيبك هيجيلك لحد عندك ربنا يرزقك يارب ويفرح قلبك".

وقالت منار: «ربنا يرزقك في القريب العاجل عليكي بالدعاء والصدقات بنيه دي».

وقالت خديجة: "والله لو انتي تحت الارض أو ف المريخ نصيبك هيجيلك لحد عندك متصظقيش الي يقولك لازم تنزلي وتشتغلي ولا تنتشري سيبيها ع الله وصلي وادعي ربنا يرزقك بالزوج الصالح وحتي لو لاقدر الله نصيبك مجاش اعرفي أن دة خير من ربنا برضه ربك عمره ما بيكتب حاجه وحشه".

وعلقت ايمار : «فيه صفحة اسمها افراح البدرشين عندها مصداقية».

وقال اميرة: «في جروب جميل اوي بتقولي مواصفات اللي عيزاها وبيرشحلك شاب والموضوع في سريه تامه والجروب ماشاء الله كل يوم بيعلن عن خطوبه وبصراحه شباب وبنات زي الورد والله ، مفيهاش حاجه لو سعيتي بالعكس ربنا هيكرمك».

وكتبت ياسمين: "حاولى تشتركى ف اى نادى حتى لو صغير اخرجى مع مامتك عند معارفها انزلى وصاحبى ناس اقبلى طلبات الصداقة إلى تحسى انهم ناس محترمة وحاولى تشتغلى وبلاش شغل فيه بنات بس أو ديانة غير ديانتك لان ده اللي ضيع عمرى ومعملتش كدة".

وعلقت منة : "ربنا كاتبلك نصيبك انك هتتجوزي فلان في يوم كذا لو ليكي نصيب مش محتاجة تعملي مجهود انك تجيبي عريس هو هيجيلك لوحده من غير ما تعرفي ازاي سيبيها علي الله".

وقالت تقى: "بصي حتى لو بتشتغلي ومفيش نصيب مش هيحصل هو ساعة القدر و النصيب ربنا هيبعتلك نصيبك لحد عندك و الله كل الكون هيكون بيجهز لفرحك و سعادتك قولي دايما ربي اني لما انزلت الي من خير فقير و التزمي بسورة البقرة و مريم و طلعي صدقة و لو جنية و ربنا يرزقك وبنات المسلمين الستر باذن الله وييسر ويجعل برزقك في كل شئ".