«مشكلتك لها حل»| بعد 12 سنة جواز عرفى مراته عرفت وهو عملى بلوك

مشاكل كثيرة ومتنوعة تمتلئ بها البيوت المصرية، فلا يخلو أي منزل من المشاكل، وهناك مشاكل قوية وشديدة يمكنها أن تقضي على استقرار الأسرة، وأخرى بسيطة يمكن التغاضي عنها أو حلها بكلمات بسيطة، للوصول في النهاية إلى حالة من الهدوء والسكينة بين أطراف المشكلة.

ومن منطلق حرص "هير نيوز" على استقرار الأسرة المصرية والعربية، تحاول المساهمة في حل بعض المشاكل التي تواجه الأسرة أو ربة المنزل أو الزوجة أو الطفلة، من خلال استقبال رسائل القراء وشكاواهم، في محاولة لإيجاد الحلول التي تساعد صاحب المشكلة على وضع حد لها لاستئناف الحياة بسعادة ودون أي منغصات.

مشكلة اليوم هي لزوجة، أرسلت رسالة تشكو بها حالها قائلة: "جوزي سابني بعيالي التلاته ومعرفش عنه أي حاجه

وأضافت: "من 12 سنة حبيت راجل متجوز وعنده اولاد وعنده تجاره كبيره في الفيوم، حبيته علشان هو الوحيد اللي وقف جنبي وساعدني في تربيه عيالي وقت ما كنت مش لاقيه لقمه حاف ناكلها، حبيته وعشت معاه بورقه عرفي، ما أنا اعتبرت نفسي ارمله بقى، ايووووه حقي، ماهو مفيش شرع ولا قانون يرضيه العيشه بتاعتي دي بردو".

وتابعت: "ومن فترة قربت من مراته وعياله علشان أكون جنبه أكتر وقت ممكن، وبقينا أصحاب انا وهي ودلوقتي مراته عرفت اللي بيننا وكلمتني قالتلي مش عاوزه أعرفك تآني وهو كمان عمللي حظر من كل حاجه، اعمل إيه وانسي كل السنين دي إزاي واشيله من قلبي بإيه أنا قلبي واجعني اوي".

وردت نهى الطالوني مسؤولة حل مشكلات القراء في "هير نيوز" عليها كالتالي:

أنا ممكن أقدر ضعفك وجهلك جدا واحطلك أعذار كلنا لحم و دم وبنغلط وبنغيب عقلنا وبيسوقنا قلبنا لكن هعتب عليكي في اهم وأكتر حاجه وترتني وهي ضميرك

انتي لغيتي ضميرك لما قربتي من ست مشاركاها في جوزها وعملتي صاحبتها علشان خاطر راجلها و ده اسمه فجور
انتي معندكيش ضمير سامحيني

من الأول لآخر نفس فينا لازم كلنا ندرك إن محدش بيفرح بحاجة حرام أو مؤقته أبدا مهما عدي عليكي سنين من الغفله بيفضل جواكي حاجه ناقصه

عارفه لو انتي مؤمنه بالله هتغلطي أد ما تغلطي بشرط إنك هتفضلي تستني عقابك

وهو وجع القلب إللي بتعاني منه دلوقتي، وواجبي تجاهك مش إني اجلدك فقلوبنا ليس عليها سلطان لكن هحاول اصبرك  
بصي اللي انتي فيه ده مش ابتلاء ده عقاب ربنا لأن سكه الشيطان آنتي إللي سلكتيها بإرادتك مترميهاش ع النصيب والقدر.


وده بند مهم جدا لازم كل ست تحطه في اعتبارها إن الزوجه الثانيه استبن لحين اشعار اخر، ومعني كلامي إن مهما كان الشخص ده عاوزك فولائه في النهايه هيكون لأم أولاده وبيته وانتي هتكوني مجرد حاله ليها وقت وهينتهي، مفيش راجل بيعرف يعدل

هتطلعي علي المجلس القومي للمرأة تحكي حكايتك هيوكلولك محامي علي نفقتهم وترفعي قضيه طلاق ابو عيالك علشان تبقي حره بجد وتعيشي الباقي من عمرك نضيفه وفي الحلال

متزعليش إحنا في دار ابتلاء دار فناء كلها الي زوال، فمتخليش الدنيا أكبر همك صدقيني متسواش ربنا يتولاكي