قذافي سفاح الجيزة يشعل الجدل على السوشيال ميديا بعد انتشار صوره الحقيقية

تصدر مسلسل "سفاح الجيزة" تريند مواقع التواصل الاجتماعي ومحرك البحث جوجل، اليوم السبت، مع عرض أول حلقاته التي أثارت الجدل بين رواد السوشيال ميديا لما يجسده لمسلسل من أحداث واقعية للمجرم قذافي فراج، سفاح الجيزة اللي قتل مراته وصديقه وسيدتين منذ سنوات.

ونشر رواد السوشيال ميديا صورا للسفاح صاحب القصة الحقيقية التي يحكي عنها المسلسل، مع تعليقات تدل على إعجابهم الشديد بدور وأداء الفنان أحمد فهمي، في المسلسل.

وإليك أبرز التعليقات والمنشورات التي تصدرت مواقع التواصل الاجتماعي بعد عرض أولى حلقات سفاح الجيزة:

قالت سارة : «سفاح الجيزة" وده رايئ الشخصي أنه عمل فني درامي محترم ومتقن ومتكامل.. دخله المسلسل في أول عشر دقايق كانت حلوة أوي خصوصًا الأجواء والساوندتراكس اللي في الخلفية والكادرات وحقيقي مفاجأه المسلسل بالنسبالي هو أداء و تجسيد بطل العمل "أحمد فهمي" لشخصيه السفاح كأني بشوفه لأول مره وواضح أنه ذاكر الشخصية وتعب عليها عشان يوصلي أحساسي باداءه للكاركتر بالشكل ده من غير افوره ومن غير ريأكشنات كتير وحقيقي عامل الدور بروقان.

وأخيرا المخرج هادي الباجوري عامل حاله وعنده رؤيه دراميه رائعه للقصة الحقيقية لسفاح الجيزة بيقدمها بكل سلاسه و بأتقان شديد وكل اختيارات الممثلين حلوه ولايقه عليهم والأجواء حقيقي ممتعه لمحبي نوعية مسلسلات الجريمة والإثارة والغموض المستوحاه من قصص حقيقية».

وكتبت ناريمان: «سفاح الجيزة بدأ على شاهد، مأخوذ عن قصة حقيقية قصة قذافي فراج، سفاح الجيزة اللي قتل مراته وصديقه وسيدتين من سنين.. طبعا استحالة تحكم على مسلسل من حلقتين، لكن فيه ملاحظة مبدئية، أن اختيار أحمد فهمي مناسب للدور، واختيار أحمد فهمي للدور كمان شطارة. الاتنين خادمين بعض جامد.  شخصية السفاح جابر اللي بيمثلها فهمي قريبة ومتوافقة مع إمكانياته كممثل، لأن انفعالاتها flat طول الوقت وتقريبا واحدة، وده قريب من تمثيله، أحمد فهمي لما بيمثل أدوار بعيدة عن الكوميديا بيكون في وضع أفضل كتير، ومقبول، وقادر تتفاعل معه ومع الشخصية، زي ما كان في فيلم العارف ومسلسل سره الباتع. (في الكوميدي، أحمد فهمي أشطر ككاتب سيناريو».

وعلقت ريم: «شوفت حلقتين من سفاح الجيزة الحقيقة حبيت جدا شريط الصوت واختيار اغنية بدرية السيد "العدل فوق الجميع" في اول مشهد شدني جدا وخلاني احب اكمل فرجة على مسلسل بيحكي سفاح مصري مش على الطريقة الاجنبي.. اول مشهد كمان كادراته مميزة وسرده بيدخلك في الموضوع على طول .. مشاهد القتل اللي شوفتها لحد دلوقت اتعملت حلو وبدون افورة ودا خلاني اتخض و اعيدها تاني عشان اشوف التفاصيل، رغم اني متعودة على المشاهد دي لاني بحب افلام ومسلسلات القتلة المتسلسلين والسفاحين بشكل عام .. احمد فهمي المشاهد بتاعته مع حنان يوسف دي اللي شوفت فيها تمثيل حبيته لسه منتظرة اشوف اكتر في الشخصية من الشخص الهادي الودود على طول الخط».

وكتبت سمر: «لما التريند يبقى سفاح الجيزة والناس كلها مستنية تعرف ايه الي هيحصل..وانا متفرجة لحد الحلقة ٦ من قبل ما ينزل بس مبنقلش علشان الحاجات دي بتتنظر وخمسة وخميسة  في عين الحسود ومبروك للحلويات الي مشرفنا انجاز كبير وهيعيش...ومجهود جبار ميختلفش عليه حد عاش يا ولاد».

اقرأ أيضا..