لا تزال الردود والتعليقات مستمرة على تريند مندوب التوصيل والفستان البيتي، الذي لقي تفاعلا كبيرا عبر وسائل التواصل الاجتماعي.

ردود السوشيال ميديا

قاد أحد المستخدمين: الناس اللي موافقة على إن واحد غريب يشوف حاجة شخصية زي دي لا، أو كمان ببجاحته يسأل هتلبسها فين وشايفة دي حاجة طبيعية؟.. ويبقى في نقاش بقى بين المندوب والسيلز عن لبسها وياترى هتلبسه فين وشارياه ليه؟ بجد؟.
وقال حساب آخر: بمناسبة تريند مندوب التوصيل، أنا لو وصلني أوردر مش متغلف كويس ومتكود عليه رقم الطلبية مش هستلمه، أصل الأمانة وعدم التعدي على خصوصيات الناس أ ب الإيمان والتقوى يا شوية مثاليين.
حساب آخر جاء فيه: تريند النهارده في مصر بتاع مندوب التوصيل صادم ومضحك، لكن لما تفكر في الموقف تلاقيه نتيجة غياب فكرة الخصوصية.
وقالت: أنا طلبت قطعة ملابس عبر الإنترنت حاجة تخص لبس البيت، بس ممكن تتلبس خارج البيت وتكون غير شرعية، بعد يومين لقيت المندوب بيكلمني وبيسألني عن المكان بالضبط، ولما قعدت أشرح له ولقى الشرح طويل.. لقيته بيقصر في الكلام، وقالي لي.. ممكن حضرتك تشرحي دا واتساب كتابة؟ قولتله تمام، تحت أمر حضرتك.
بعدها فوجئت صاحبة المنشور بمكالمة تسألها عن تفاصيل طلبها، قائلة: «أسفة والله مش تطفل، بس هو حضرتك هتلبسي الحاجة دي خارج البيت؟.. فأجابت لا ياحبيبتي، ما تقلقيش ومفيش أي تطفل أبدًا.
فأجابت مندوبة الاتصال من الشركة قائلة: آسفة جدًا والله، بس المندوب لما شاف محتوى الشنطة قلق، لأنه مش بيوصل أي حاجة غير شرعية، وكمان سألني هل أنا عرفتك الديفوه اللي في المنتج ولا لآ، علشان الأمانة.. فعرفته إني مبلغاكي بيه وإنك عارفة إن المنتج فيه ديفوه وإني منزله في سعره علشان كده».
صاحبة الأوردر اندهشت كثيرًا من تصرف مندوب التوصيل، وحرصه على عدم الوقوع في أي مخالفة.
وقالت: اندهشت جدًا من تصرف المندوب وحرصه على عدم الوقوع في أي مخالفة، واتقائه لله سبحانه وتعالى في شغله، رغم إن أي مندوب أسهل كلمة عنده يقول لك: أنا مجرد مندوب بيوصل الأوردر ماليش دعوة بالأوردر نفسه، إلا من رحم ربي.

اقرأ أيضا..

موعد مشاهدة الكوكب المراوغ بالعين المجردة غدا

  ونقدم لكم من خلال موقع هير نيوز، أخبار وتقارير، صاحبة المعالى، منوعات، فن وثقافة، كلام ستات، بنات، هير فاشون، حوادث، رياضة، صحتك، مال وأعمال، توك شو، مقالات، دنيا ودين.