نجل محمد ثروت يلقن متابع درسا لمتابع تنمر على مرضه ووالده: «ربيت راجل»

أثارت تعليق أحد المتابعين على الحالة الصحية للمخرج أحمد ثروت نجل المطرب الكبير محمد ثروت، والذي يخضع حاليا لرحلة علاج في ألمانيا، بعد فقدانه القدرة على المشي نتيجة إصابته بفيروس نادر، حيث تنمر المتابع على نجل ثروت قائلا: "أبوك طلع معاه فلوس أهو وبيعالجك كويس أومال مش بيتبرع للبلد ليه"، ساخرا منه.

وعلق نجل محمد ثروت، على المتابع من خلال التعليقات على أحد الصور له داخل المستشفى، قائلا: "أستاذ سمسم، مساء الفل، كل اللي عالبر عوام، التنظير في المرض مؤلم لصاحب الاختبار جدا وكل اللي أقدر أقولهولك ربنا إن شاء الله ما يعرضك أنت أو أولادك أو والدك أو والدتك لمرض زي اللي عندي، اللي لو معاك فلوس الدنيا مش بتفيدك من غير رحمة ربنا عليك ودعوات الناس".

وأضاف: "أنا معرفش حضرتك بس صدقني عمري ما أتمنى ليك دقيقة ألم من اللي بتعرضلها يوميا حتى لو معاك مال الدنيا، وبتتبرع للبلد كل يوم".

وأعاد نجل محمد ثروت، نشر المنشور من خلال حسابه الرسمي على "فيسبوك"، وعلق عليه قائلا: "مشكلة السوشيال ميديا في بلدنا مالهاش ظابط ولارابط.. وفي وقتنا الحالي بعض الناس ماسكة الموبايلات بتكتب ما يحلوا لها وتدي لنفسها حقوق وصلاحيات الثواب والعقاب والانتقاد والتنظير والحكم المطلق والصفات دي معظمها صفات الخالق عز وجل.. يمكن عشان انهاردة اول مرة اتعرض لموقف زي دة حبيت اعرف رأيكم في دة هل هو تنمر ولا جهل ولا حد فاقد معني حياته وبيكتب كلمتين بيفرغ فيهم طاقته… كل دة مش مهم المهم ان ربنا كرمني بناس جميلة وحلوة اعرفها و معرفهاش بشكر ربنا عليهم كل يوم كانوا السبب ان ربنا يبصلي ويستجيب لدعواتهم وابتدي اخف".

فيما علق والده الفنان محمد ثروت، على المنشور، قائلا: "ابني الغالي، أحلى شيء في البوست دة اني ربنا اكرمني وتأكدت اني عرفت اربي راجل محترم زيك، ربنا يتمم شفاك علي خير وترجعلي بالسلامة".