بملعقة واحدة.. 6 فوائد للعسل تحدث في جسمك لن تصدقيها.. ما هي؟
أول تعليق من شقيقة وجدي العربي بعد شماتته في وفاة نجل حسن يوسف
ضجت مواقع التواصل الاجتماعي في الساعات الماضية بالغضب من شماتة الفنان وجدي العربي في موت نجل الفنان حسن يوسف.
شماتة وجدي العربي
كان وجدي العربي قد علق عبر حسابه على تويتر على موت نجل حسن يوسف بالقول: "ابن حسن يوسف مات غرقاً في الساحل الشمالي.. لا أستطيع الشماتة.. لأن موت الابن أو الابنة أسوأ ما يحدث من ابتلاء في الدنيا.. دون أي موت آخر.. فما بالك لما يكون ابن عمرك والفتى المدلل في الأسرة.. وزي ما بيقولوا فاكهة العيلة.. بس لازم أفكر أبيه حسن.. وهو في مقام أخونا الكبير.. لأنه ابن أبويا وتلميذه. بفكر يا أبيه حسن.. إن فيه أسر مات فيها أولادها.. منهم الابن الوحيد والابنة الوحيدة.. يعني مفيش غيرهم في الأسرة".
وأضاف: "أنا بس بافكرك إن ربنا أراد في السن اللي انت فيه ده يميت لك شاب.. زي بالظبط الدكتور بديع اللي أذقته والبلتاجي وقيادات الإخوان الاستهزاء والسخرية.. بس ابن الدكتور بديع مات من أجل قضية.. من أجل الحرية.. لكن ابنك مات وهو بيستمتع بحياته على أنقاض شباب كتير.. دفعوا حياتهم تمنا العقيدة وحرية شعب".
وأثار تعليق وجدي العربي غضب النشطاء والفنانين، لأنه حمل شماتة في الموت، كما علقت دار الإفتاء على ذلك في بيان، مستنكرة أن يكون هناك شماتة في وفاة أحد
تعليق شقيقة وجدي العربي
وعلقت شقيقته ألفت من خلال مداخلة هاتفية عبر برنامج 90 دقيقة الذي تقدمة الإعلامية بسمة وهبة المذاع على قناة المحور وقالت: "كلمة أخويا كبيرة جدا وحسن يوسف مايستحقاش، أنا لو بصحتي كنت روحت وعزيتهم وكنت جنبهم دلوقت بس ربنا أقوى من الكل وابنهم دا شهيد، وحتة الشماته من وجدي هنقول إيه لواحد باع وطنه وأهله وناسه وراح يعيش في وطن مش وطنه، للأسف ربنا ابتلانا بوجدي وأنا بعتبره مش موجود في حياتي ومتبرئة منه، كان نفسي يبقى عنده شويه دم ويبعت برقية عزاء لأخويا حسن يوسف".
وتابعت: "إحنا وحسن يوسف اتربينا في بيت واحد وأهلي وأهله كانوا دائما مع بعض، وكان بيقول لوالدي يا بابا وكنا عايشين وقتها في السيدة زينب".
وأضافت: "لما ربنا كرمهم ونقلوا مصر الجديدة كنا بنبكي وحسينا أننا انقسمنا لعيلتينً ووالدتي ووالدته فضلوا يبكوا ووقتها كان فيه أغنية خسارة خسارة فراقك يا جارة، يشغلوها ويفضلوا يبكوا".
واستكملت: "بابا كان دائما بيجيبوا كبار الفنانين في البيت وحسن كان بيتسلل ويعد يسمعهم ويقلد البروفات وقتها بابا حس أنه موهوب لكن عمي يوسف والد حسن زعل من بابا وقاله انت هربوا الولد يا بديع بالفن بتاعك فبابا قال لحسن اتفوق الأول في دراستك عشان اخليك تحضر البروفات".
