زي المحلات.. طريقة عمل لقمة القاضي المقرمشة
نساء السوشيال ميديا يحتفلن بغياب ياسمين عز «هنوزع عيش ولحمة من الفرحة»
الإثنين 31/يوليه/2023 - 01:29 ص
ياسمين عز
ساندي جرجس
أعلنت الإعلامية ياسمين عز، عن توقف برنامجها "كلام الناس" الذي يتم عرضه على قناة "mbc مصر"، خلال شهر أغسطس المقبل لفترة 30 يوما، مشيرة إلى أنها الإجازة السنوية الرسمية للبرنامج.
وقالت ياسمين عز، خلال اخر حلقة لبرنامجها: «متزعليش نفسك يا مدام أنا عارفه إنك متقدريش على غيابي والإجازة مجرد 30 يوم فقط وسأعود مرة أخرى، لو زعلتي الفرعون هتلاقيني على الهواء ثاني يوم».
تعليقات النساء على غياب ياسمين عز
واثارت تلك التصريحات جدلا بين النساء على "فيس بوك"، حيث سخرت بعضهن من اهتمام ياسمين بالفرعون وهو في إشارة منها للزوج، وعبرت بعضهن عن سعادتها لفراق ياسمين عز.
وكتبت حنان ساخرة: «رايحة الساحل اكيد مع فرعونك»، بينما علق محمد: «ياشيخه فورى فى داهيه الشاشه هتنضف».
وقالت دنيا: «اجازه شهر بحالو امال هنضحك علي مين».
كما علقت سمر: «الحمد لله حمدا كثيرا الواحد المفروض يوزع عيش ولحمه علي الخبر الجميل دا».
وسخرت منها ملك: «ملكيش دعوه روحي اجزي وسيبي الفرعون شويه»، بينما قالت سها: «بجد كان لازم يحصل كدا وتريحى شويه مش حيبقى انتى والكهربا وشهر ٨ علينا الحمدلله اهى المصايب بدأت تخف واحده راحت عقبال الباقى».
وعلقت ندى: «طولي الغيبه اه واقطعي الجوبات ومتجيش بسرعه ع أقل من مهمك متستعجليش مش ورانا حاجه».
وقالت مها: «يالا سكه السلامه ياريت اجازتك تتطول».
كما علقت مروة: «قوله والنبي قوله ولا اقولك زيييير كبيير اجازه بلا عوده دانتي هبلتينا والله يشيخه وخدي فرعونك معاكي».
وقالت شيماء : «انتي تاخدي اجازه طول السنه والمرتب هيوصلك لحد البيت»، كما علقت مريم: «ي شيخة غوري بقا ي ريت تاخدي اجازة طول السنه».
ونقدم لكم من خلال موقع هير نيوز، أخبار وتقارير، صاحبة المعالى، منوعات، فن وثقافة، كلام ستات، بنات، هير فاشون، حوادث، رياضة، صحتك، مال وأعمال، توك شو، مقالات، دنيا ودين.
