وقال حسن شاكوش من خلال البث المباشر على فيسبوك: "اللايف ده من البيت عندي، أمي وأخواتي عندي النهاردة، ولما بيكونوا معايا في البيت، بحس إن أنا في عيد". 

وطمأن حسن شاكوش جمهوره، مستعينا بجملة من أغنية له وقال: "إحنا جامدين ومفيش إلا إحنا"، مؤكدا أنه يواصل عمله بالشكل المعتاد، وأنه سيواصل إحياء حفلاته الصيفية. 

كما أرسل حسن شاكوش مناشدة إلى الصحفيين والإعلاميين مطالبا بتحري الدقة في نشر الأخبار، والتواصل مع المصادر الموثقة ولها صلة أطراف القضية، وقال: "لما تكتب خبر ياريت يكون من مصدر موثوق جدًا، أنا الحمد لله لا تربيتي ولا إمكانياتي تقول إني أبهدل بنات الناس معايا، أو أجرحهم بأي كلمة وحشة، لأن أي بنت عمومًا ممكن تتوجع من نظرة وحشة". 

 

وتابع حسن شاكوش من خلال البث المباشر على فيسبوك: "أنا تربيت على ضرورة احترام بنات الناس، عمري في حياتي لا ضايقت ولا زعلت حد ولا عملت مشكلة مع حد.. لو فيه حد طلع قال إني عملت مشكلة مع بنت أو اتعاملت مع بنت معاملة وحشة، يبقى ده بيسوء سمعتي أمام جمهوري، وربنا شايف كل حاجة.. وربنا ينتقم من الظالم في ميدان عام". 

كما أعلن حسن شاكوش عن أغانٍ جديدة، ينوي طرحها في موسم الصيف 2023، وبدايتها ستكون مع أغنية "دي حلوة" بالاشتراك مع عمر كمال، والتي ينوي طرحها خلال الأيام القليلة المُقبلة.