كشفت الفنانة فيفي عبده عن تعرضها لوعكة صحية جعلتها تتوقف عن المشاركة في بعض الأعمال الفنية، مضيفةً إلى أنها تعرضت للحسد وأعمال دجل وشعوذة تمنعها من الحركة.

الفنانة فيفي عبده

وقالت فيفي عبده خلال لقائها مع "et بالعربي": "لأول مرة بقول لجمهوري ارحموني الناس كلها بتحبني، لكن أنا ممكن أحسد نفسي والحسد موجود ولكن زاد عن حده معايا، ومش عاوزه أضعف وأقول لهم إني محسودة لأني مش عاوز العطف، وأنا دايما واقفة زي الأسد برقص ومبسوطة وبسمع المزيكا، ومش عاوزه اكئب الناس، لأن الناس دي بتصحى من النوم تشوف صفحتي ويشوفوا عاملة إيه".

وأضافت فيفي عبده: "الغضروف قفل على العصب وما بقاش العصب يتحرك ورجلي بقيت تقيلة، وربنا يتم شفائي لأن الصحة التاج ولو مال الدنيا معاك لو مفيش صحة يبقى أنت مش معاك حاجة".

وتابعت: "دوروا على عروق في إيدي مالقوش ولما عملوا ليا فحص لقوا القلب فيه رفة، وطليوا على الهواء دكتور قلب وخدت بنج وعملوا ليا منظار علشان يطمنوا على القلب ولما اطمنوا كانوا مجهزين أوضة العمليات عشان العمود الفقري".

وأوضحت: "ولما سافرت علشان اتكرم فوجئت وأنا بحط رجلي على السلم لقيت رجلي تقيلة ودي كانت بالنسبة ليا مفاجأة قدام الناس، وما كنتش قادرة أطلع علشان اتكرم".

واختتمت حديثها قائلة: "أكيد مليون في المية معمول ليا ما أتحركش من السرير، ولو أعرف مين عامل ليا العمل أقول له أبوس رجلك فكه ليا حرام عليك أفضل في السرير أقوم من حاجة ألقي حاجة حرام".

آخر أعمال فيفي عبده

جدير بالذكر أن آخر أعمال الفنانة فيفي عبده كان في دراما رمضان 2022 من خلال مشاركتها في مسلسل «شغل في العالي».

العمل الدرامي كان من بطولة شيرين رضا وفيفي عبده ومروان يونس، وبيومي فؤاد، ونضال الشافعي، ونجم كرة القدم ميدو، ومن تأليف حسين مصطفى محرم، وإخراج مرقس عادل.