تفاصيل أزمة مراسلة قناة dmc أميمة بدري: «فجأة فقدت النطق.. ساعدوني»

في استغاثة انتشرت بسرعة البرق على وسائل التواصل الاجتماعي، خرجت مراسلة قناة dmc، الشهيرة على صفحتها الشخصية بموقع التواصل الاجتماعي فيسبوك، كشفت أميمة بدري أنها فقدت النطق فجأة.

فما هي القصة؟!

مراسلة قناة شهيرة تفقد النطق

منذ ساعات، كتبت المراسلة أميمة بدري، التي تعمل لصالح قناة dmc، استغاثة غريبة تفيد بأنها فقدت النطق، وقالت: « أنا محتاجة حد يساعدني ارجوكم أنا فجاة فقدت النطق مش عارفه أنطق ولا اتكلم وشفتي طبقت زي البكم والصم وصوتي مش طالع ومش قادرة اخد نفسي انا خايفه ومش عارفه اعمل ايه  انا تعبانه جدا ومش قادرة انا مخضوضه من اللي حصلي».

وبعد ذلك بوقت قصير، كتبت بدري، رسالة تطئن جمهورها، وتسأل عن نوعية الأدوية التي وصفت لها في المستشفى، وكتبت أميمة: « أنا بكتب وانا مش قادرة لاطمنكم أنا روحت المستشفي  وعملت الأشعة المقطعيه علي المخ  الحمد لله مفيش جلطه بس للاسف فقدت النطق بسبب إني زعلت جامد ادعولي دعوة صادقه أنا محتاجه لدعواتكم وشكرا لكل اللي بيكلمني بس حرفيا مش قادرة من الصدمه».

وأضافت: «أنا دكتور كتبلي ادويه وقالي لازم ارتاح تماما وخلال ٣ ايام لو مش اتحسنت ورجعت اتكلم هتابع مع دكتور اعصاب واعمل جلسات كهرباء لأعرف أتحسن ادعولي اعرف انطق تاني وارجع لحياتي انا نفسيا مش أحسن حاجة دعواتكم وشكرا للتواصل معايا ولكل  واحد حاول يكلمني ويساعدني وشكرا للي جالي البيت ووداني المستشفي دعواتكم.. اللي يعرف الادويه دي تمام ولا حد يقولي اعمل ايه لان انا قلقانة».

أميمة تشكر أميمة بدري

بعدما أعلنت أنها تتلقى العلاج بالمستشفى، تحدثت أميمة بدري، إلى جمهورها ومتابعيها على فيسبوك خلال مقطع فيديو، وعلقت على الفيديو: « شكرًا لكل حد بيسأل وبيطمن  عليا بس ده حالي وصوتي طلع حبه  الصبح مكنش في اي صوت ولا حركة شفايفي ولسه تعبانه فمش عارفه ولا قادرة اتواصل قولت اطمنكم بحالي هنا أسهل.. دعواتكم والحمد لله علي كل شئ.. بقولكم  آسفه لكل حد بيسأل وبيطمن عليا  بس مش عارفه أرد  ادعولي أكون كويسة».

اقرأ أيضا..

فيلم بيت الروبي يحقق 2.5 مليون دولار في السعودية والدول العربية

ونقدم لكم من خلال موقع هير نيوز، أخبار وتقارير، صاحبة المعالى، منوعات، فن وثقافة، كلام ستات، بنات، هير فاشون، حوادث، رياضة، صحتك، مال وأعمال، توك شو، مقالات، دنيا ودين.