تصدرت الفنانة بوسي تريند تويتر بعد حلولها ضيفة على برنامج حبر سري الذي تقدمة الإعلامية أسما إبراهيم على شاشة القاهرة والناس وتحدثت بوسي عن حياتها الشخصية والعملية وأزمة الفيديو الذي انتشر لها في زفافها والتي كانت تقول فيه: "عليا الطلاق أبوظ الجوازة".

وردت بوسي خلال لقاءها على  مهاجمة رواد السوشيال ميديا عليها في ذلك الوقت بعد انتشار فيديو "عليا الطلاق أبوظ الجوازة" وقالت:" أكيد أنا مقصدش أوجه الكلام لجوزي، جوزي سيد الرجالة".

وتابعت بوسي: "أنا كنت لابسة كعب والمفروض أطلع أغيره لكن الفترة طولت، وعمالين يتصوروا معايا بدل الصورة ألبوم".

واستكملت: "أصلا أنا خلقي ضيق وعصبية وكنت بهزر مع عم جوزي".

كما وجهت بوسي الانتقاد واللوم على من قام بنشر الفيديو واستغلال الموقف ضدها وقالت:" لما تستغل واحدة وهي ناسية أنها مطربة ومشهورة، وفي لحظة تلقائية، وتقص جزء من الفيديو عشان اعمل تريند، يبقى أنت واحد مريض".

بوسي تكذب طليقها

وعن طليقها قالت بوسي: "كنت بأضربه بسبب مواقف كتير علشان آخد حقي وكرامتي، وأنا مش بحب أسيب حقي وكان بيطلب مني حاجات ما ينفعش أقولها، ولما مسكته بيخوني في بيتها كان وقتها اتجوزها من ورايا".

أما عن عملها مع السبكي فقالت: "أفلام السبكي ضرتني كممثلة وكان شايفني مطربة بس وكان ممكن يستغلني أحسن من كدا.. أنا بحبه وعلى عيني وعلى راسي بس كان شايفني في حتة الأفلام التجارية وأغاني ونهذر ونضحك وما كانش شايفني ممثلة أقدر أعمل حاجة".

رد بوسي على التعليقات الساخرة والتننمر عليها

كما أوضحت بوسي أنها لا تهتم للتعليقات الساخرة و تعرضها للتنمر وقالت :" الموضوع بيضايقني لكن مش برد، ردي بيكون بشغلي وبأغانيا، دا هو الأسلوب ومش عارفة هيستفادوا إيه، طبيعي إن كل واحد فينا في مرحلة عمرية شكله بيختلف، بعيدا عن التجميل، حال الحياة أن الشكل بيتغير مع السن".

اقرأ أيضا..

بوسي: طليقي كان بيطلب حاجات مينفعش أقولها وندمانة على شغلي في شارع الهرم