أدلت طالبة التجارة التي تعرضت للاغتصاب في الجيزة بأقوالها أمام النيابة، وإقامة المتهم علاقة معها عنوة.

المستشار طارق حسنين المحامي العام الأول لنيابة جنوب الجيزة الكلية، أحال مندوبًا بشركة شحن إلى محكمة الجنايات، وذلك بتهمة خطف سيدة متزوجة وهي طالبة بكلية تجارة، وإقامة علاقة معها عنوة واستمعت النيابة لأقوال المجني عليها.

وعن تفاصيل الشكوى قالت: "كنت متخانقة مع لؤي جوزي بسبب أكونت فيس بوك بتاعي وهربت من البيت وأخدت موبایل على أساس أروح بيت أهلي في حلوان، وطلعت من مدخل العمارة ومشيت شوية وكنت عاوزة أروح عند محل عصير قصب علشان أهدى شوية وأرجع البيت تاني".

نزول الزوجة من البيت غاضبة

وأضافت، حسيت إن جوزي لؤي ماشي ورايا ومكنتش عاوزاه يشوفني علشان ميتخانقش معايا علشان أخدت التليفون بتاعي من وراه، ونزلت من البيت ودخلت عمارة جنب بتاع العصير على طول علشان استخبى فيها من جوزي، وأنا واقفة سمعت صوت حد نازل من على السلم وطلعت استخبى بين الدور الأول والدور الثاني وعملت نفسي نازلة من العمارة وشوفت الشخص ده وكان لابس جلابية سودا وقفني وسألني انتي بتعملي إيه هنا قلتله أنا دخلت العمارة بالغلط".

وتابعت: "قالي ما فيش الكلام ده انتي حرامية والعمارة مسروق منها حاجات والكاميرا جايباكي ومسكني من إيدي وقالي أنا مش همشيكي من هنا غير لما المباحث تيجي، قلتله سيب إيدي ومتلمسنيش ولو سرقت حاجة أنا موجودة أهو وريني الكاميرات اللي بتقول عليها وقام منزلني على الدور الأول قدام باب شقة وفهمني إن فيها سكان العمارة اللي مسروق منها الحاجات وهما قاعدين جوا، وقالي ادخلي لحد المباحث ما تيجي وخبط على الباب ومحدش رد وسمعته بيقول أنا افتحي على أساس إن فيه حد عنده في الشقة".

وقالت: "طلع مفتاح الشقة وفتح بالمفتاح ده ولما فتح الباب لقيت الصالة فاضية ومفيهاش حد ابتديت أعلى صوتي عليه وأقوله هما فين الناس دول انت بتضحك عليا ولما صوتي بقى عالي طلع سلاح أبيض صغير وقالي أنا مش عاوز منك حاجة أنا عاوزك نص ساعة قلتله هو انت مش متجوز ترضى حد يعمل كدة في أختك او أمك أو مراتك حرام عليك أنا متجوزة وكل الموضوع اني متخانقة مع جوزي وسايبة طفل صغير وأنا واقعة في مشكلة أبوس إيدك سيبني وقعدت أتحايل عليه".

ضرب وحشيش واغتصاب

واستكملت: "ضربني وطلع سيجارة حشيش ملفوفة وقالي أنا هشربها تكوني دخلتي الحمام وقلعتي ومسبنيش وبعدين عمل معاي علاقة غصب عني وبعد ما خلص فتحلي الباب وقابلت تلت رجالة في العمارة وست وحكتلهم مصدقوش، وقالوا ده أكتر حد محترم في العمارة وبعدين جابوا الكاميرات وشافوا وكلموا المباحث وقبل ما ندخل عليه مراته جت وفتحت الباب وقبضوا عليه".

أمر الإحالة جاء فيه أن المتهم  خطف المجني عليها كرهاً عنها بأن اقتادها عنوة لداخل محل سكنه، بعد أن أوعز لها بتسليمها إلى الشرطة لارتيابه فيها بأنها تقوم بالسرقة أو يتركها إذا قامت بعلاقة معه.

اقرأ أيضا..

قرار جديد في قضية اغتصاب دجال لطفلة أمام والدها تنفيذا لأوامر الجن