كتبت الفتاة المصرية التي تُدعى مريم محمد عبد العال، منشور تستجير خلاله من تصرفات والدها، على صفحتها بموقع فيسبوك

للدخول إلى الصفحة اضغط هنا

وقالت: انا اسمي مريم محمد عبد العال الصراحة بعد البوست ده انا مش عارفة ممكن يجرالي ايه بس مش هيبقا اكتر من اللي حصلي

انا بابايا ومامتي متطلقين من ٨ سنين بعد معاناة وعشنا بعدها معاناة معاه عشان يسيب امي في حالها

ابويا ضارب امي بالنـار في شهر ٧ /٢٠١٧ كنت ساعتها طفلة عندي ١٤ سنة والمـسدس ده كان كل خناقة في البيت بيتحط في دماغ امي قدامي انا واخواتي واحنا اطفال وعشنا

من صغرنا وكنا بنسمع احقر كلام منه وحتي لما ضرب امي بالنـار وجابلها ارتجاج في المخ كان بسبب انه عايزها ترجعله وهي مش عايزة وطبعاً محصلوش اي حاجة عشان وسايطه كتير اوي وحق امي ضاع وبالعكس ده فضل يعملها في محاضر ويقدم وصلات أمانة مش حقيقية ويدفع فلوس في القسم عشان بس هي تتبهدل

الفترة ديه حصلت مشاكل وعشان ميحصلش زعيق وبهدلة مكناش قاعدين في بيتنا وبابا اتبلي علي ماما بأقذر الكلام وجاب ناس حسبي الله ونعم الوكيل فيهم قالو كلام كله غلط وروحت بعد ١٠ ايام  قعدت معاه عشان يكون هدي شوية انا اللي قعدتهم ٣ ايام انا سمعت اقذر الكلام اللي ممكن اي حد يسمعه انا بقالي ٣ ايام منمتش واذية نفسية وجسدية وبالمناسبة انا عندي امتحانات ومذاكرة وقبل ما اروح لبابا كان بيسحب الملف بتاعي قبل امتحاني بيومين والمشكلة كلها اصلاً من الاول للآخر انا مليش دعوة بيها انا مش هسكت علي حقي وحقي عند ربنا هيجيلي في الدنيا وفي الآخرة انا معرفتش اروح باقي امتحاناتي وحتي اللي امتحنتهم انا مكنتش فايقة اصلاً وتعليمي اللي فاضله سنة ويخلص مش هكمله بسببه حق عياطي وبهدلتي وتعبي ومستقبلي هيرجعلي حسبي الله ونعم الوكيل

انا خصيمتك يوم القيامة وخصيمة اي حد جاب سيرة امي بنص كلمة

هو دلوقتي مهدد انه هيقتل امي وهو يعملها عادي ودافع لناس يشوهوها وناس يعملولها محاضر واقذر كلام انا كدا كدا حقي مش هسيبه بس متنساش تبقا تجيب وسايط وناس تشهد زور وتشتم قدام ربنا

دلوقتي انا واختي ومامتي قعدين مع بعض و كل الكلام والاتفاق مع الناس علي حاجات كلها ظلم وآذي لأمي كان قدامي وانا كمان هيعملي محاضر من اللي هو بيعملها وبيروح يدفع فلوس عشان يبهدلونا انا سكت عمري كله

ومش هسكت تاني وحقي هجيبه.. تعديل لو حصلي اي حاجة انا او مامتي او اختي هيبقا هو السبب».