حمو بيكا يعلق على فيديو إغراق زوجته بالذهب وخلافه مع شاكوش

وقال بيكا خلال لقائه مع برنامج "صبايا الشمس" الذي تقدمه الإعلامية ريهام سعيد: "الناس فاهمة إن الحياة كلها ذهب، زي ما قالوا إني عملت عربيتي بالذهب، أنا معايا كام علشان أكسي كل العربية بالذهب، ده ورق اسمه ورق عيار 24".

View this post on Instagram

A post shared by Hamo Bika - حمو بيكا (@hamo_beka_official)

ونفى بيكا ما تردد حول كمية الذهب المقدمة لزوجته: "لو الناس فاهمة إن كل حاجة ذهب خليهم، وعايز أقول للناس سيبوا الملك للمالك، واسعد مراتك ولو بحاجة صغيرة، السلسلة مش كيلو، كيلو الذهب بأكثر من مليون جنيه والمبلغ ده مش معايا".

ووصف زوجته "بالرائعة وابنة بيتها"، مشيرا إلى أنها وهبته الورثة التي قدموها لها عائلتها، ليقوم بدوره ببيعها وشراء السلسلة بدلا منها، لتصبح ملكها.

وأوضح السبب الذي دفع زوجته لإعطائه ميراثها: "هي شايفاني بصرف وقالت خدهم، ومفيش فرق بيني وبين مراتي في حاجة المهم تكون سعيدة، وهي بتطلب دايما حاجات أون لاين وخاربة بيتي، لكن أنا فرحان"

وكشف بيكا عن حمل زوجته وانتظاره لمولود جديد بعد عدة سنوات من زواجهما: "عد 3 سنين مراتي حامل لأول مرة، وفي الشهر الرابع، وطبعا فرحت لما عرفت الخبر".

وأضاف: "فرحتي هتبقى أكبر لما أشوف المولود، ولسه مش عارفين ولد ولا بنت، لو ولد هسميه فهد، ولو بنت هسميها تاج".

وقال بيكا إن التصريحات التي أدلى بها في برنامج "شيخ الحارة" عن الفنان حسن شاكوش، تسببت بحدوث قطيعة وخلاف بينهما: "حسن زعل لما إتكلمت في شيخ الحارة، وقلت مينفعش يبقى متجوز وينزل يسهر في أول جوازه".

وتابع: "عايز أوصل رسالة لمديرين أعماله يشوفوا حياته، ويخلوه يشوف شغله، لإنه مختفي ومعملش أغاني من فترة، لكن مش قصدي أجرحه".

وأكد أنه لم يستطع التدخل لإنهاء الأزمة بين شاكوش وزوجته، لكون الأخير لا يستجيب لاتصالاته.

وأعرب مغني المهرجانات عن حزنه، بسبب تخلي بعض أصدقائه عنه في الأزمات التي مر بها في الفترة الماضية، مشيرا إلى المبالغ المالية الكبيرة التي صرفها عليهم قبل زواجه.

وأضاف: "مش عايز أتكلم عن الصحاب، ناس كتيرة أكلت معاهم عيش وملح، ولا واحد ساعدني، كنت بأجر فيلات في الساحل وأدفع 15 ألف جنيه في اليوم وأكل على حسابي، ولما اتوقفت إتخلوا عني، وعمر ما واحد قال ناقصك إيه".

وأكد أنه تعرض للتهديد من قبل أحد أصدقائه بسبب حاجته للمال: "صحيت من النوم على تليفون واحد بيقول آخرك طلقة معايا، وده صاحب عمري وعالجته من الإدمان في المصحة أربع مرات بالسنة والست شهور، كل دي فلوس كانت بتدفع، وشغلته عند ناس وسرقهم، ودلوقتي عايز فلوس علشان يجيب مخدرات".