أثارت بسمة بوسيل طليقة النجم تامر حسني الجدل بعد نشرها ستوري عبر موقع تداول الصور والفيديوهات إنستجرام لفيديو فرح هالة عمر مديرة السوشيال ميديا الخاصة بتامر حسني، وأرفقت الستوري بتعليق "حسبي الله ونعم الوكيل فيكي يا هالة"، مما أثار التساؤلات حول ما القصة التي جعلت بسمة بوسيل تكتب ذلك .

تجاهل تامر حسني لـ بسمة بوسيل

 تامر حسني بعد وقت قليل من ستوري بسمة نشر صورة تجمعه بمديرة السوشيال ميديا الخاصة به هالة عمر تعبيرا منه عن تجاهل ما نشرته طليقته بسمة بوسيل.

لتقوم بسمة بنشر استوري أخرى ردا على تجاهل تامر حسني تحتوي على صورة مكتوب بها "ويخشى الله عليك من سوء اختيارك فينتشلهم من حياتك فتيأس لسوء ظنك أنه ابتلاء لتعلم بعدها أنه أنجاك " .

بداية القصة

 وبدأت القصة عندما تداول رواد السوشيال ميديا صور فرح هالة عمر و ظهر تامر حسني وشقيقه وهما يسلماها إلى عريسها وتسائل البعض عن صلة القرابة بينها وبين تامر حسني، ومنهم من اعتقد أنها شقيقته والبعض الآخر اعتقد أنها مديرة أعماله ليقوم تامر حسني بنشر منشور عبر حسابه الرسمي على إنستجرام موضحا صلته بها

لكل اللي بيسأل عن وجة القرابة بيني وبين العروسة الجميلة دي، شايف أسئلة كتير أنا هحكيلكوا، هي اسمها هاله عمر عرفتها كانت بنت من الفانز صغيرة ومن المقاتلين والمدافعين عن تامر على الإنترنت، ومن كتر دفاعها عني لفتت نظري ومرة رديت عليها شكرتها".

وأضاف تامر: "لما سافرت إسكندرية في الوقت ده لقيت بنت صغيرة أوي بتعيط وبتجري عليا فوقفتلها وفكرتني بنفسها وفضلت تعيط وتقولي احنا معاك ولازم تكمل، عشان كنت بتحارب جدًا في بداياتي فاتصدمت إن اللي بتقول كده بنت صغيره كده والمجهود ده كله اللي عاملاه بنت صغيرة عندها 14 سنة".

وأضاف تامر حسني: «وقتها كانت السوشيال ميديا لسه بتطلع وكنا في شركتنا بندور على شركة كبيرة تمسكلي السوشيال ميديا لحد ما قولتلهم أنا مش عايز شركة كبيرة أنا عايز البنت الصغيرة دي هي اللي تمسكها فضلوا يقنعوني أن كده مش صح ولازم أكتر حد خبرة يمسكها و’نا قولت لا لازم ’كتر حد بيحبني هو اللي يمسكها وأنا واثق أن طاقة الحب مفعولها أقوى من طاقة المحترف بلا حب».

وتابع تامر: «فعرضت عليها تشتغل معايا و هي في السن ده مصدقتش طبعاً و من ساعتها و هي اللي ماسكه كل شغل الميديا الطفلة الشاطرة اللي كبرت دلوقتي قدامكم هاله عمر، أما بقى عريسها العسل ده اسمه عمرو طلب إيديها مني أنا عشان والدها و والدتها توفاهم الله في سنه واحدة رحمهم الله ياريت نفتكرهم ونهديلهم ثواب الدعاء والفاتحة».

وأكمل تامر حسني: «ومن اللحظة دي اتحولت هالة لبنتي الكبيرة بجد اللي بتتجوز دلوقتي قدامي وبسلمها لعريسها بنفسي وبغني في فرحها، معرفتش ارد على كلامك عني في الفرح يا هالة رديت دلوقتي هنا ربنا يكرمك ويسعدك مع جوزك الجميل المحترم اللي هيكون ضهرك وسندك ويكمل معاكي مشوار حياتك مع أولادكم الجُمال بإذن الله».

غيرة بسمة بوسيل

وهذا ما أثار غيرة بسمة بوسيل وجعلها تستشيط غضباً ودفعها لإعادة نشر ستوري تامر حسني مرة أخرى موجهه لهالة عمر أنها كانت سبب رئيسي في خراب بيتها، وهدم حياة أطفالها.

أقرأ أيضا..

بسمة بوسيل تبارك لطليقها تامر حسني علي طرح برومو فيلم تاج

 .