نشرت العديد من الأمهات منشورات ساخرة تدل على المعاناة التي يعيشن فيها مع أبنائهن خلال فترة الامتحانات، حيث تهتم كل أم بأن ينجح أبنائها في الاختبارات ويحصلوا على الدرجات النهائية، ولكن يتطلب ذلك جهد كبير من الأم مع أبنائها.

ولكن شاركت بعض الأمهات صورا ومنشورات ساخرة كنوع من الفكاهة خلال تلك الفترة الصعبة التي تمر بها كل أم خاصة مع بداية امتحانات الفصل الدراسي الثاني، وكانت المنشورات كالآتي:

انتشرت السخرية على إحدى الأغنيات وربطها بالأمهات والامتحانات، وكتبت العديد من الأمهات: «وهي عاملة إيه دلوقت ؟؟ والله حالتها كرب بتذاكر لإبنها سنة رابعه بقي والإمتحانات قربت ومين هون عليها الوقت؟؟ اهو كوباية سحلب شوية محشي كرنب وأهي ماشية،: قولولي لو فى صالحها أروحلها واصالحها..لا معلش بلاش دلوقتي لحسن هي هربانة منها اليومين دول،، ظلمها وقلبي جارحها.. ولا يهمك ياعم هي مفيش في دماغها حاجة إلا الخفاش اللي نايم بالمقلوب وإعراب المبتدأ و الخبر والتضاريس الجغرافية.. أجيلها والا مش دلوقت؟؟ لا مش دلوقت خالص خليك بعد الإمتحانات بقى تكون رجعت لعقلها».

وسخرت كريمة من معاناة الامتحانات عند الأمهات، وقالت ساخرة: «طب واللي خلق الخلق …الامتحانات دي مش بتقيس مستوي الطالب …دي بتقيس مدي صبر الأمهات وطولة بالهم مع ولادهم في المذاكرة …وفي الآخر بيتحرق دم الأمهات والعيال ولا في دماغها…متلغوها ينوبكوا ثواب أو امتحنوا الأمهات وخلاص».

كما علقت فاطمة: «المفروض احنا الأمهات نلم بعضينا بعد الامتحانات و نروح الحته الي محدش يعرفلنا طريق جره فيها... مش هي بتتقال كده؟ المهم ونقعد كم يوم في هدوء ومنسمعش اي حاجة تعكر مزاجنا وكفايه الي شوفناه طول السنه ».

وكتبت ريم: «طب واللي خلق الخلق اللي عمل الامتحانات بعد العيد ده ظلم الأمهات .. العيال عايزلها وقت علشان تقتنع إن السنة مخلصتش وتذاكر من جديد …مش في امتحانات الاسبوع الجاي راجع يا حبيبي أنا بقول ندي فرصة للأمهات تمتحن بدل ولادها علشان المرارة اللي اتفأعت وخلاص».

وسخرت منى: «الامهات بعد الامتحانات رايحة فين يا ماما !؟ اشتهي رحيلا، ولكني لا أعلم أين !»، مع صورة ساخرة من مسرحية كوميدية.