رانيا يوسف:أنا أدلع الراجل بطريقتي وممكن أتجوز جوز صاحبتي

حلت الفنانة رانيا يوسف ضيفة على برنامج بلايند ديت شو، وتعتمد فكرة البرنامج على المواعدة بين ولد وبنت ليس بينهما معرفة مسبقة، يتم وضع حاجز بينهما، ويتعرف الثنائي على بعضهما خلال الحلقة، وفي نهاية البرنامج يقرر الطرفان إذا ما كانا سيستمران في المواعدة أم لا.

أبرز تصريحات رانيا يوسف

وصرحت رانيا يوسف خلال الحلقة بالعديد من التصريحات التي أثارت الجدل كعادتها، من بينها تجربتها مع زيجاتها السابقة، واختيار ابنتيها لملابسها فقالت :"اتجوزت 3 مرات وأول زيجة هي الأنجح بالنسبة لي، إنما الاتنين الباقيين ما كانوش ناجحين، ولسه عندي أمل في الزواج تاني، وعلاقتي بأبو بناتي مش كويسة خالص وكنت أتمنى إننا نفضل أصحاب".

وتابعت : "بناتي شجعوني إني أجرب الزواج تاني، وممكن أتجوز للمرة الرابعة، ممكن أحب زوج  صاحبتي على حسب هما منفصلين بقالهم قد إيه".

.. وحول من يساعدها في اختيار ملابسها قالت  رانيا يوسف "بناتي مشجعني أجرب، ولو رايحة معاد مع شخص هما اللي بيختاروا لبسي، وهما شوية متفتحين

 في اللبس، وأنا بحب ألبس اللي يليق عليَّ سواء قصير أو طويل أو مفتوح أو مقفول على حسب، كما أني  بحب الشورتات والمايوهات جدًّا وبحب الصيف".

وعن الوقت الذي ستكشف فيه لبناتها عن دخولها في علاقة جديدة، قالت: "بعد شهور لأنهم عاصروا جوازتين معايا، ولازم أكون واثقة 90% على الأقل، مش عايزة أعرضهم لتجربة تؤثر في حياتهم".

وعن تقديم الهدايا

تابعت: "بحكم إني باشتغل من فترة طويلة اتعودت أجيب حاجتي بنفسي، لكن ما يمنعش زي ما بيقول المثل أنا غنية وأحب الهدية، إن جوزي يدلعني ويجيب هدية حلوة، دي حاجة لطيفة".

وأضافت: "الستات مش المفروض تجيب هدايا للرجالة، أنا لوحدي هدية، والرجالة المفروض تدلع الستات مش العكس، أنا أدلعك بطريقتي".

وزادت: "ممكن مثلا أدلعك بأنك ترجع البيت تلاقيني عاملة علشانك بيض بالبسطرمة، وده يبقى حدث لأني مش باطبخ".

أقرأ أيضا..

رانيا يوسف في موعد غرامي مع مجهول «ما القصة؟»

 نقدم لكم من خلال موقع هير نيوز، أخبار وتقارير، صاحبة المعالى، منوعات، فن وثقافة، كلام ستات، بنات، هير فاشون، حوادث، رياضة، صحتك، مال وأعمال، توك شو، مقالات، دنيا ودين