فريدة سيف النصر تبكي: «الحسد بهدلني في جعفر العمدة»

كشفت الفنانة فريدة سيف النصر عن كواليس دورها في مسلسل "جعفر العمدة" الذي عرض في رمضان 2023.

وقالت خلال لقائها مع الإعلامية إيمان الحصري عبر قناة dmc : "تعرضت للحسد خلال الموسم الرمضاني اللي فات بشكل غريب، العين صابتني خلال مسلسل جعفر العمدة".

وأضافت "أبقى واقفة خلال التصوير والديكور يروح واقع على دماغي والإضاءة وقعت عليَّ والمخرج وهو بيرجع لورا يروح راجع على ضافري يطيره والخاتم اتكسر ودخل جوا صباعي".

وتابعت: "اللبيسة بتاعتي طالعة وأنا داخلة أعمل المشهد وتضرب في عيني من غير ما تقصد، وأنا بيحصل لي حاجات مش لذيذة وبحس إنها حسد"

واستكملت فريدة سيف النصر قائلة:" شيء مش متوقعاه، دوري في مسلسل جعفر العمدة ضيف شرف، علشان كل مشهد يعمل فرقعة، وعلشان أبقى تريند يومين ورا بعض، يبقى شكرًا جدًّا محمد سامي".

فريدة سيف النصر وعمليات التجميل

وأضافت، "أنا ما عملتش أي عمليات تجميل ومش عارفة بيطلعوا عليَّ شائعات ملهاش أساس ليه، التجاعيد اللي ظهرت لي دي طبيعية لأني خلاص كبرت في السن، بحب التجاعيد اللي نزلت في رقبتي والحاجات دي بتاعتي هعمل إيه لأن الجاذبية الأرضية بتسحبنا لحد ما ننزل".

وتابعت: "ليت الزمان يعود يومًا، وأنا عملت شعري أصفر لأني زهقت من الشعر الأبيض اللي بيطلع، ربنا سبحانه وتعالى حاشاك يارب متزعلش مني ممكن نكبر ونموت ونفضل حلوين لحد ما نموت يعني".

وأشارت إلى أنها كانت تستخدم باروكة في بعض أعمالها الفنية ولكنها قررت صباغة شعرها بالأصفر من أجل دورها في مسلسل جعفر العمدة.

برنامج دي إم سي يحتفل بعيد ميلادها

احتفل برنامج "مساء dmc"، بعيد ميلاد الفنانة فريدة سيف النصر باحضار "تورتة" وعبرت عن فرحتها بالبكاء والدموع وذلك بحضور زيزي سيف النصر بنت شقيق الفنانة، لافتة إلى أن زيزي حتة منها، وأنها خرجت من بيتها على بيت زوجها.

اقرأ أيضا..

«ربنا مش هايسيب حقها».. فريدة سيف النصر تعلق على عودة شيرين عبد الوهاب لزوجها