بملعقة واحدة.. 6 فوائد للعسل تحدث في جسمك لن تصدقيها.. ما هي؟
طليق زوجة حسن شاكوش يفجر مفاجأة: ممنوعة من الزواج بأمر الطبيب
بعد أيام من اشتعال الخلاف بين حسن شاكوش وزوجته ريم طارق وتطور الأمر لبلاغات رسمية، دخل أحمد طليق ريم على خط الأزمة، والذي أدلى بعدد من التصريحات المثيرة خلال لقائه ببرنامج "تفاصيل" مع الإعلامية نهال طايل، على قناة "صدى البلد".
أبرز تصريحات طليق ريم طارق
قال أحمد طليق ريم طارق: "الصدمة اللي اتفاجئت بيها إنها تتجوز تاني، وهي عندها تعب صحي لا يمكنها الزواج، وده ظهر بعد شهرين من زواجي منها، وأهلها كلموني عشان تتطلق".
وأضاف، "أنا مقصرتش معاها، وقلت لأهلها مش عايز أطلق وأنا هعالجها، وروحت معاها لدكتور ولقيته بيقولي إنها لا يصح لها الزواج".
وتابع: "سلمتهم القايمة ومعايا شهود، وكل الكماليات في البيت خدوها، لقيت الشقة فاضية، وأنا معنديش مشكلة في الحاجة مش عايزها بس عايزهم يتنازلوا عن القضايا اللي رفعوها عليا".
وعن تعديه عليها
وعن حقيقة تعديه عليها بالضرب أثناء زواجه منها قال: "أنا مكنتش بضربها ومضربتهاش علقة موت، وعمري ما مديت إيدي عليها، وكل مشكلة كنت أشتكي لوالدها".
وأضاف أنه حاول التواصل مع والد ريم وقال: " أنا بعت رسالة لوالدها عشان يتنازلوا عن القضايا.. قالي أعلى ما في خيلك اركبه.. مضوني على إيصالات بالمؤخر".
وأثناء اللقاء عرض صور لمحادثات بينه وبين والدها وصور أيضا قسيمة الزواج والفرح.
سبب الطلاق
وعن سبب الطلاق قال: "كان فيه ظروف معينة للطلاق ولما حصلت مشاكل بيني وبينها، أهلها جابوا المأذون وقعدنا، ومعرفش أنا مرفوع عليا قضايا ليه بعد الطلاق؟، ومش طالب غير إني عايز أعيش في استقرار".
وذكر: "مرفوع عليا قضايا منقولات وإيصالات أمانة، وكل اللي عايزه منها تتنازل عن القضايا اللي رفعاها عليا وربنا يسعدها في حياتها، واتفرض عليا الطلاق ومكنتش عايز أطلقها، وطلقتها وخدت حقوقها الكاملة".
اقرأ أيضا...
قبل حسن شاكوش| أشهر حالات طلاق الفنانين والأسرع وقعت بعد 3 ساعات
ونقدم لكم من خلال موقع هير نيوز، أخبار وتقارير، صاحبة المعالى، منوعات، فن وثقافة، كلام ستات، بنات، هير فاشون، حوادث، رياضة، صحتك، مال وأعمال، توك شو، مقالات، دنيا ودين.
