تعرضت إحدى النساء لهجوم كبير على موقع التواصل الاجتماعي "فيسبوك"، بعد طرحها سؤال رآه البعض أنه يدل على شخصيتها السيئة وتفكيرها غير المقبول.

وكتبت المرأة في منشور: «ازاي اطلع من الموضوع بشياكه مع إلي بيسألني على نوع الجنين من غير ما اعرفه ولأ اجرحه واحرج نفسي».

كتبت شيماء :«لاتعليق الواحد بقي بيخاف يتعامل بسبب العقول دى الحاجه الوحيده الي مش بتدارى هي الحمل واكيد يعني بنت او ولد مفيش تالت الناس الي سالكه من جواها ونيتها كويسه هي الي بتكون فرحانه وتقول للمقربين ليها القطط والكلاب بيخلفو انما بقي لو خايفه واحده مخلفتش تحسدك او تزعل فده تفكير عقيم ده رزق ربنا الي بعتهولك فاحمدى ربنا وصفي نيتك للناس».

وعلقت سهام: «اكيد هتجيبي ولد احنا شعب تفكيرنا غريب ربنا يصلح حلنا وحالك».

وكتبت سمر: «تعرفى انك ممكن تخسرى ناس بجد فحركه زى دى عن تجربه سبيها على ربنا وقولى وحصنى نفسك بالقران».

وعلقت اسراء: «حامل فى تنين مجنح عشان تخبى متقولى عادى مهو مش هتجيبى جنس تالت عشان تخافى من الحسد معلومة لو مقالتش يبقا ولد»

وكتبت اسماء: «طب فين المشكله لما يعرفوا دي فرحه مش اكتر».

وعلقت ندى: «هوا لما يعرفو النوع هيتغير يعنى سيبيها على الله ولو الفضول مضايقك قولى مش باين وخلاص».

وكتبت منى: «محدش ليه فيه قولي لسه مش بان عاوزين يصدقوا تمام مش عاوزين هما احرار اظن دي حاجه محدش ليه فيها غيرك».

إقرأ أيضًا..