أخبار وتقارير

«يغذي الخيال المريض» نهاد أبو القمصان تسخر من «جعفر العمدة»

الأربعاء 26/أبريل/2023 - 11:16 م

ساندي جرجس

نشرت المحامية نهاد أبو القمصان، رأيها الخاص في مسلسل "جعفر العمدة" الذي أثار ضجة كبيرة على مواقع التواصل الاجتماعي خلال شهر رمضان، حيث سخرت من قصة المسلسل، مشيرة إلى أنه غذى الخيال المريض عند بعض الرجال والنساء.

نهاد أبو القمصان تعلق على جعفر العمدة

وقالت نهاد في منشورها: «جعفر العمدة واخوة كل حلقة بيعيطو اكثر من خالة امى اللى فى البلد ، بتزعلو من اعمال الراجل دمع فيها دمعتين ليه ، ما جعفر والرجالة طلعو حونينين اهم.. محمد رمضان غذى خيال مريض عند رجالة كثيرة بيحلمو بانه يبقى بطل فى مسلسل حريم السلطان قاعد فى شقة والستات تطلع له بجدول بعد ما تحضرهم له الخانوم».

وأضافت: « وغذى خيال مريض عند ستات كثير برضو بتحلم براجل مكنة ATM ومعندهاش مانع تدخل القطيع والجدول طالما العربيات رانج روفر ومرسيدس اس وجيب .. الست الوحيدة اللى تمردت على عصر حريم السلطان والعبودية بعد ٩ سنين ، ليه ياحاجة ما لسة بدرى».

وتابعت نهاد: «مفيش شخصية متركبه بفتفوتة منطق يعنى جعفر كان نفسه يخلف ١٢ عيل ولما اتخطف عيل غضب على الخلفة اصلا واتقمص وعاقب نفسه وحريمه ومايخلفش اصلا ليه ؟!!! .. ابن جعفر عنده ١٩ سنة ومعاه مرسيدس وتاجر اكسسورات عربيات عقبال عندكو ، دا لو تاجر بودرة هروين مش هيعمل كدة وهو عمره ١٩ سنة».

كما أشارت إلى أن دور دلال في المسلسل عبارة عن شر مطلق غير مبرر، وبتقتل الراجل قدام اهلها علشان تنتهى نهاية تليق بيها، بس قبلها تعترف بكل شرها كانها بتتطهر وهوب تدب السكينة فى قلب الراجل بمنتهى السلام النفسى ومحدش من اخوتها يتدخل.

وتابعت: « عايدة بتاعة الزمالك اللى ابوها اتسجن واتجوزت علشان تسد ديونه فجأة تحب مكنة الفلوس اللى اسمها جعفر وتتعايش مع جدول العبيد .. دا اللى لحقت اشوفه من كام حلقة اللى اجبرت على الفرجة عليهم لانى مع ناس بتشوف، بس مرارتى مجبتش اكثر من كده».

إقرأ أيضًا..