من أرشيف محكمة الأسرة| جوزي طفل وبيعرف ستات عواجيز

تحدثت رندا من محكمة الأسرة عن زوجها الذي اعتاد مرافقة السيدات اللاتي تتراوح أعمارهن ما بين الـ45 والـ55 عامًا حتى يشعر معهن بالاهتمام الذي لم يستطع أن يشعر به مع والدته التي توفاها الله يوم ولادته، قائلة: "كل يوم ألاقي جوزي جايله هدايا من ستات كبيرة في السن وبيقولي بيعرفوا يدلعوني أكتر منك".

وأضافت: "اتعرفت على جوزي في قعدة كانت بين أهلي وأهله لأنهم أصدقاء وجوازنا مشي بشكل رسمي جدا كنت بلاحظ فيه قبل الخطوبة وبعد الجواز كمان إنه مش بيشبع أهتمام مهما بقوله كلام حلو أو بجيبله هدايا أو بقضي وقتي كله معاه برضه مكنش بيعجبه وكان بيبقي عايز أكتر وأكتر لدرجة أني كنت كتير بتعب منه وبحس أنه بيستنزف كل طاقتي وتركيزي معاه هو بس رغم أن أنا البنت ومع ذلك مكنتش بعمل زي ما هو بيعمل ".


وواصلت: "لكن مكنتش بدي لكلامه اهتمام عشان كنت بفتكرها خناقة وخلاص لحد ما بدأت ألاحظ خروجه بشكل مستمر وإنه كل يوم يرجع بهدايا ولبس جديد وتليفون جديد لحد ما في مرة شوفته راجع بليل مع واحدة وقاعد معاها في العربية وكانت من دور والدته وأنا كنت ساعتها بشتري طلبات للبيت ولما رجع هو من برة واجهته وقولتله يعني يوم ما تخونني يبقي مع ست قد والدتك؟".