بعد الحلقات الأخيرة، التي عرضت من مسلسل جعفر العمدة، بطولة محمد رمضان، وكوكبة من النجمات والنجوم على رأسهم النجمة الكبيرة هالة صدقي، توالت ردود الفعل الغاضبة على شخصية "دلال" التي تؤديها النجمة إيماني العاصي..

دلال بنت عتبة

أظهرت "دلال" وهي الزوجة الثانية لشخصية جعفر العمدة، والتي يؤديها محمد رمضان، الوجه الشرير لها في الحلقات الأخيرة من المسلسل، حيث كشفت الأحداث عن كونها وراء خطف إبن زوجها من زوجته الأولى.

كما أثار مشهد بكائها، في حضن زوجها الذي يبحث عن إبنه منذ 19 عامًا، غضب رواد التواصل الإجتماعي الذين علقوا على تلك الشخصية الشريرة وأطلقوا عليها اسم "دلال بنت عتبة".

وجاءت تعليقات الجمهور كالتالي:

كتبت أحد الفتيات على فيسبوك معلقة على مشهد إجهاض عايدة، بأمر من دلال، قائلة: "هو ازاي فيه قلب جاحد بالشكل ده ازاي عماله تعمل فيهم كده اعوذ بالله بجد المشهد يوجع القلب بشكل مش طبيعي كل ده عشان مش بتخلف تموت ف كل طفل وتكسر قلب كل ام ازاي فيه جحود كده حرفيا ده او فيه زي شخصية دلال كتير كده في الواقع يبقي الموت ليهم رحمه وافضل الف مره من انهم يعيشوا في الارض اعوذ بالله بجد اعوذ بالله ايه وجع القلب الي في المشهد ده".

وكتبت أخرى: "دلال عرفت مكان عايدة وبعتت ستات تسقط الطفل اللى فى بطنها و جعفر العمدة هيعرف أن دلال اللى عملت كده عشان محدش يعرف موضوع حمل عايد غير صفصف و دلال ‏ده انتي جعفر هيعمل منك صوابع كفته يا دلال مكفهاش اللي عملته كمان عايزه تسـ ـقطي عايده يا بنت حماده الجعر".

وكتبت أخرى: "علي ما اظن ان نهاية دلال بكرة .. ونهاية عايدة كمان مع جعفر و سقوط الطفل .. وكمان نرجس هتطلب الطلاق خوفا من اللي حصل وهتطلع هيا اللي ضربت عايدة بالحديدة علي دمغها . ما هو مبقاش فيها مط تاني علشان يحصل احداث جديدة .. غير ان جعفر هيطلع و يمسك واحدة من الستات دي و تقوله ان دلال اللي عملت كدا ..اللي قاهرني ازاي فية حد بالحقد والكراهية دي و بتعيط وتاخد جوزها بالحضن علشان تخفف عليه".

إقرأ أيضًا

«فضحتينا» رد فعل غير متوقع من ابنة إيمان العاصي على دورها في «جعفر العمدة»