فن وثقافة

«أبو قلب مجروح» أحمد فتوح ضحية جديدة لبرنامج "رامز نيفر إند"

الأربعاء 12/أبريل/2023 - 07:36 م

ساندي جرجس

حل لاعب كرة القدم، أحمد فتوح، كضيف جديد في برنامج المقالب "رامز نيفر إند" في حلقته الجديدة اليوم، حيث كان ضمن ضحايا مقلب "الغسالة".

أحمد فتوح ضحية رامز جلال

وسخر رامز جلال من الضيف بمقدمة ساخرة كعادته، وقال عنه: «معانا النهاردة الي انتقال عليه كلام مش مسموح .. الي قلبه مجروح .. احمد فتوح».

واختارت الوزة مقلب "الغسالة"، حيث علق رامز: «حلقات لاعيبة الكورة بتكون في منتهى الخطورة اخاف رجله تتكسر... الف مبروك يا فتوح بس غباء وضرب مش مسموح».

وعندما وصل أحمد فتوح، قال رامز: «يا نهار اسود ده مش لاعيب كورة ده مبلط ايشاني .. بالزمة ده لعيب كورة لابس تيشرت معفن.. يا نهار اسود على الدقن دي دقن ديلر.. ايه السويت شيرت ده وقع عليه كلور من الحاجة».

سخرية رامز جلال من أحمد فتوح

واستقبلته كارلا حداد، ودخل لمكان لعب الرمح، وقال رامز: «ركز يا كابتن مافضخناش»، وبعدها ارتدي الدرع فعلق رامز: «بصراحة لقيت التيشيرت عرة قولنا نلبسك حاجة تسترك . . الحصان شكله اهلاوي بيهرب منه .. ده مفكش السعر من التيشيرت ده هيروح يرجعه».

وعندما سألته كارلا عن شخصية تاريخية يريد أن يمثلها قال أحمد عز، مما جعل رامز يسخر منه : «ده بيتعاطى ملبن احمد عز شخصية تاريخية .. يخربيتك لا بتعرف تقرا ولا بتسمع»، وعند نزوله من الحصان، قال: «دي مش نزلة فارس دي نزلة نقاش».

وعندما تحدثت معه كارلا أثناء جلوسه في المطعم وتناول الطعام سألته عن الطعام المفضل له وقال لها أن طعامه كله من الشارع، فعلق رامز: «صنايعي كل اكله من الشارع».

وبدأ المقلب بدخول رامز متقمص شخصية الشيف وعند هروب الثور القى في وجه رامز الكعكة وسط صراخ الناس في المطعم.