بسمة وهبة تخرج عن شعورها بسبب حمو بيكا: «أشد في شعري»

استضافت الإعلامية بسمة وهبة مطرب المهرجانات حمو بيكا في برنامج "العرافة" المذاع على قناة المحور، والذي أثار الجدل بعدد من التصريحات وشن هجوما على حسن شاكوش وعمر كمال.

غناء حمو بيكا

وفي أثناء الحلقة طالبت بسمة وهبة حمو بيكا بالغناء على الهواء، فقام حمو بيكا بغناء جزء من مهرجان خاص به.

لترد عليه بسمة وهبة قائلة: "أنت كده غنيت ياحمو.. طب إيه أشد في شعري ولا أعمل إيه". 

 حمو بيكا قال: "محدش ساعني في مشواري الفني لكن أنا ساعدت كل المتواجدين على ساحة المهرجانات".

أبرز تصريحات حمو بيكا

 حسن شاكوش أضاف، "أنا المدرسة اللي طلعت حسن شاكوش مفيش حد أحسن مني  فرحي اتكلف ٥٠ ألف جنيه بعد ما عملت جمعية  أنا شايف حسن شاكوش في حتة غلط، وبيسيب عروسته وبيروح يسهر مع صحابه حظي منيل في صحابي، أنا اللي ساعدتهم ومحدش ساعدني".

 وتابع: "عمر كمال كان بياخد ٤٠٠ جنيه ودلوقتي بقى ٥٠ ألف، أنا عمرو دياب الغلابة، عمر كمال وهو بيغني في الاستديو صوته ضعيف، وحسن شاكوش بيصرخ أنا أعرف اغني اي حاجة بس معرفش اغني لعبد الحليم حافظ ، هاني شاكر قعدني في بيتي، ودعيت عليه عشان كنت مظلوم، وربنا جابلي حقي ".

حمو بيكا وهاني شاكر

وقال: "كل اللي هاني شاكر عمله معايا إنه قعدنا في البيت وهو كل شوية عمال يتكلم إنه جابلي سنتين حبس، وأنا راضي بالقانون بس كل اللي هو عمله معايا ظلم لما يخلي كل بتوع المهرجان يغنوا وأنا لا".

وتابع بيكا: "ربنا جابلي حقي وجابلنا نقيب ربنا يخليه لينا، والمجلس القديم جايبنلي مدرس يقولي لا ليه لا، وهاني شاكر على دماغنا وكل اللي هو عمله إحنا عملناه برضو.. والنقيب مصطفى كامل نقيب الموسيقيين على دماغنا من فوق وهو اللي جابلنا حقنا، المهرجانات اسمها أغاني وليست مهرجانات ونقيب الموسيقيين لا يرغب في تسميتها مهرجانات".

اقرأ أيضا..

في العرافة| حمو بيكا: «أنا عمرو دياب الغلابة وهاني شاكر ظلمني»