عبير صبري: فكرت أجمد بويضاتي وعملت بلوك لغادة عبدالرازق

أثارت الفنانة عبير صبري جدلًا واسعًا خلال الساعات الماضية، وذلك بتصريحاتها حول تفكيرها في تجميد بويضاتها، وموقفها من الإنجاب.

وأضافت:" فكرت في تجميد بويضاتي في وقت مكنتش لسه متجوزة وكان عندي شعور إني مش عارفة أتخذ الخطوة، ومكنتش متحمسة".


وتطرقت للحديث عن فكرة تبني الأطفال وقالت: " فكرت في تبني طفل وبعدين اللي حواليا خوفوني من التجربة أن الطفل لما يكبر ممكن يكون سلوكه مش كويس ناحيتي لأن دي مرتبطة بالجينات الخاصة بأهله وممكن يطلع ابن عاق ".

خلافاتها مع غادة عبد الرازق

وقالت عبير صبري في فقرة أقر وأعترف:" أقر وأعترف أنه لولا كسلي وانشغالي بحياتي الشخصية كان زماني في نجومية غادة عبد الرازق وبعمل بطولة مسلسلات لوحدي".

وأضافت:" أقر وأعترف أني عاملة بلوك لغادة عبد الرازق وده بسبب أن فيه سوء تفاهم بسيط حصل بينا، وفيلم اللي اختشوا ماتوا، مش سر الخلاف بالعكس هو من الأفلام الجميلة اللي فخورة بيها والعمل نجح جدا، أنا بحترمها جدا وبقدرها كفنانة، وهلغي البلوك اللي عملاهولها".

موقفها من التريند

وفي الحلقة ذاتها قالت الفنانة عبير صبري: " أنا أكره التريند ولا أبحث عنه على الإطلاق ولا أحب التريندات المقصودة لبعض الفنانين وعارفة أنها بتعملها علشان الناس تتكلم عنها".