من أرشيف محكمة الأسرة| جوزي عاوز دستة عيال

واصلت الزوجة حديثها: "أنا متجوزة من 4  سنين، وجوزي شغال في مصنع جبنة وحالنا على قدنا بعد الجواز حملت بعد شهرين وأنجبت ولد بعد سنة من الولادة  طلب مني نجيب أطفال تاني قولتله إحنا معانا طفل واحد وبالعافية بنصرف عليه وأنت عايز نجيب أطفال تاني عشان نجوعهم، رد عليا وقالي أنا راجل صعيدي ومش هخلف أقل من دستة، ولا عايزة أخواتي اللي جايبين دستة واتنين يعيبوا عليا ويفكروني مش راجل؟ سمعت كلامه ده وسكت وأنا رافضة الكلام ده".

وأضافت: "برضه فضلت أخد حبوب منع الحمل عشان أنا مش مستعدة أجيب عيال وأعيشهم في قحط، وفضلت منتظمة على حبوب منع الحمل من غير ما جوزي يعرف أني باخدها لحد ما شك أن في حاجة غلط، بعدها بفترة بيفتح شنطتي شاف الحبوب اللي حطاها مكنتش متخيلة إنه ممكن يفتح الشنطة لأنها مش عوايده".

واختتمت: "شاف الحبوب في الشنطة قعد يضرب في لحد ما كسر إيدي، مشيت علي بيت أبويا بعدها رفع عليا قضية إنذار طاعة وأنا حولتها لقضية طلاق للضرر بسبب عنفه معايا، أنا واحدة خفت اخلف عيال يتشردوا في الشوارع  بسبب حالنا لحد ما وصل بي الأمر أني جيت للمحكمة".