بملعقة واحدة.. 6 فوائد للعسل تحدث في جسمك لن تصدقيها.. ما هي؟
«وفاء مكي» تنهار من البكاء: « مش بعرف أبكي وشركات الإنتاج استلغتني»
السبت 25/مارس/2023 - 11:52 م
نور أحمد
دخلت الفنانة وفاء مكي، في نوبة بكاء شديدة، وذلك خلال حديثها عن الضغوطات النفسية التي تعرضت لها على مدار السنوات الماضية.
وفاء مكي تنهار من البكاء
وقالت وفاء مكي، في تصريحات تلفزيونية عبر فضائية "هي" :" زمان كنت بشتكي إني مش بعرف أبكي.. لكن بعد ما خلفت ابني بقت دموعي سهلة.. ممكن طول ما أنا ماشية أفضل أعيط من كتر الظلم.. لأن محدش عارف حاجة.. ومش همشى أقول أنا مظلومة".
وأضافت:" هييجي يوم والناس هتعرف كل حاجة.. في حاجات محدش يعلمها غير ربنا الناس مش ناقصة مشاكل وهم".
وشددت الفنانة وفاء مكي على إنها تعرضت للاستغلال من جانب شركات الانتاج بعد أزمتها الأخيرة، وقالت:" غلطتي إني ريحت بمزاجي لأن دي شغلانتي اللي بحبها وتفوقت فيها وأصبحت بطلة فيها.. ومكنش ينفع أتخلى عنها.. لكن من ناحية إن فيه شركات إنتاج استغلتني اه استغلوني".
تصريحات وفاء مكي
وفي وقت سابق تحدثت وفاء مكي في أحد اللقاءات الصحفية عن معاناتها الشديدة بسبب تراكم الديون عليها فقالت "أنا قررت أتكلم دلوقتي لأني تعبت وخلاص فاض بيا ومش قادرة أستحمل، بقالي 10 سنين عليا ديون بـ 500 ألف جنيه، وأمي ست عيانة وفي حالة خطر وعندي التزامات ومديونة بقروض كمان من البنوك، وعايشة على معاش والد ابني 3 آلاف جنيه في الشهر ومش بيكفي حاجة لأن القرض بيتم سداده على 31 شهر لمدة سبع سنين".
وتابعت وفاء مكي حديثها: "من 3 أيام ابني كان جعان قولتله مش معايا فلوس أجبلك أكل وقعدنا نلم جنيهات من البيت لحد ما جبنا كيس عيش، بيقولوا اللي بيحصل لي ذنب اللي عملته، طب ابني ذنبه إيه، ابني مالوش ولا حول ولا قوة عشان يتعاقب".
